2479/2022-2023
Siaha; the 31st October,2022: Tukin zing dar 7:00Am khan Nehru Yuva Kendra(NYK) te huaihawtin National Unity Day-2022(Rashtriya Ekta Diwas) pualin zirlai naupang leh youth Club member ten AOC atangin District Playground, Siaha Vaihpi thlengin RUN FOR UNITY an tlan.

Run For Unity flag off tu Pu N.Vabeiratlua,DIPRO, Siaha chuan thuchah sawiin, tukin Rashtriya Ekta Diwas puala Run for Unity, NYK ten an buatsaih hi Azadi Ka Amrit Mahotsav(AKAM), India ramin Zalenna a hmuh kum champha vawi 75-na lawmna kal zel pual pawh ni telin, National Unity Day hi India rama Deputy Prime Minister leh Home Minister hmasa ber, Iron man of India an tih thin, Sardar Vallabhbhai Patel pian ni 31st October a lawm thin a ni.Kumin hi Sardar Vallabhbhai Patel piancham vawi 147- na a ni, a ti.
Sawi chhunzawmin, Pu Vabeiratlua chuan Run for Unity hian India ram khua leh tui te inpumkhat nan mitin hian mawhphurhna kan nei a, mitin inrempui theih tura rilru zau kan put a, hriatthiamna kan nei theuh a ngai a. Mi te tan malsawmna kan nih theih loh pawhin, midang tan mi hnawksak loh nih tal hi kan tihtur makmawh a ni. Chutiang rilru pu chung chuan India ram inpumkhat nan theih tawp chhuahin hmalam panin mitin kan tlan mek a ni e, tih a entir a ni, a ti.

Run for Unity a lawmman dawngtu te chu:
1st--Beimokha,Thosai

2nd--ZT.Beirakhai,College Vaih-II

3rd---Christian Beihropha,College Vaih te an ni a, lawmman certificate leh cash prize pek an ni.

District Playground-ah lawmman semna hun hman nghal niin, Miss N. Rosline, PTS,NYK in  programme kauhruaiin, lawmman te sem zawhah, lawmthu sawina in programme hi khar ta a ni.