Vawiin chawhma dar 11:00Am khan , DC Conference Room-ah India ram hmundangte rualin  9th National Voters Day hman a ni.

Vawiin 9th NVD programme hi Pu H.Zonunmawia, EO in a kaihruaia, Pi Harleen Kaur IAS, DEO leh District Bawrhsap ni bawk chu khuallian a ni.

Khuallian Pi Harleen-i chuan India chu Democracy ram a ni angin, vote nei theih chin chuan vote nei vek tur a ni a. Inthlannaah kan vote hlu tak hi kan thlak ngei bawk tur a ni. Chu chu India Ram khua leh tui tha nihna leh voter tin te mawhphurhna a ni, tih i hre reng ang u, a ti.

Pi B.Malsawmtluangi, DTO pawhin thusawina hun hmangin,  zirlai naupang te hnenah  Kan Identity proof nana  document pawimawh leh leklam ber chu EPIC hi a la ni reng a ni. Chuvangin Vote nei  thei chin kum 18 tling tawh  chuan EPIC hi ngaihven vat nachang hriattur a ni, a ti.

Vawiin programme-ah hian Pu N.Vabeiratlua I&PRO chuan mipui kalkhawm te chu Voter tha ni tura thutiam "Plegde" a neihtir nghal bawk a ni. 

Vawiin programme-ah hian BLO thawktha ber Pu Vanlalremruata, Teacher Council Vaih PS hnenah khuallian in chawimawina thuziak a hlan nghal bawk a ni.