Vawiin chawhma dar 10:30Am khan I&PR Conference Hall-ah Siaha District chhunga Drawing & Disbursing Officer (DDO) leh Dealing Assistant te tan New Pension Scheme (NPS) chungchanga hriattur pawimawhte inhrilhriatna hun “ Sensitization Drive on New Pension Scheme” neih a ni.

He hun hi Pi Esther Leihang, Assistant Director (NPS), Accounts & Treasury, Aizawl in kaihruaiin, Pu F. Malsawmkima, Assistant Auditor leh Pi Bernadeth Lalhmangaihtluangi, Assistant Auditor ten NPS Form hrang hrang Fill-Up dan te leh NPS chungchanga hriattur pawimawh chi hrang hrangte Powerpoint Presentation hmanga entir leh zirtirna hun an hmang  a.

New Pension Scheme hi Mizoram Sawrkar chuan Ni 1 September, 2010 leh a hnu lama Sawrkar hnathawk a ngheta lutte tana hman turin a pawm a, tunah hian NPS Subscriber 5306 an awm mek a ni. Heng NPS Subscriber te hian Sawrkar hna atanga an chawlh hunah Sawrkar atanga Pension dawng lovin Company atangin Pension an hmu dawn a, Pension atana Sawrkarin sum a sen pawh a tlem phah zel dawn a ni.

Vawiin New Pension Scheme chungchanga hriattur pawimawhte in hrilhriatna hun hmanna-ah hian Siaha District chhunga DDO leh NPS Dealing Assistant te an tel thain Training hi an hlawkpui hle a ni.