No.7689/2020-2021

Vawiin chawhma dar 11:00Am-ah District Administration, Siaha buatsaihin Entrepreneurial Development Programme DRDA Conference Hall-ah hman a ni. He programme hi Pu N. Vabeiratlua, DIPRO, Siaha chuan a kaihruai a ni.

Pu N. Vabeiratlua, vawiin programme kaihruaitu nibawk chuan kalkhawm mipuite chawnglawmna thu leh in hmelhriattirna hun a hmang a. Pu Reuben T. Kompa, DLEO (Employment) leh Nodal Officer, Entrepreneurial Development nibawk chuan Entrepreneurship awmzia te, Entrepreneur mawhphurhna te leh vawiin programme buatsaih chhan sawina hun a hmang ve bawk a ni.

Vawiin programme hmanna a khuallian Shri Kesavan R, IAS, Deputy Commissioner, Siaha District, Siaha chuan thu sawiin, Siaha District chhunga Kuthnathawtute hian kan kalphung thin hi tlem her danglam ve tawh ila, kalphung thar leh hlawkthlak zawk mithiamte hnen atanga kan zir hmangte hian hmasawn dan turte pawh kan zir thiam a, a tak a kan hman ve a hun tawh a ni, a ti a. Tuna kan kalphung ni mek a lang "Kham khawp thawhchhuah" hi hlawhtlinna in a tum ber a ni lova, hlawhtlinna tluantling neih tur chuan kan mamawh khawp bak kan thar a, chu chu rosum a chan tir a, mimal intodelh piah lama khawtlang leh ram pawhin a hlawkpui tham nih tum theuh ang u, tiin vawiin programme chhimtute chu chahin, sawrkar leh Bank lam pawhin mi tumru leh dinchhuah tum tak takte tanpui hi a chak a, a in hawng reng a ni, a ti bawk.

Pi Galilee, APO, DRDA chuan an hmalakna te leh an hmachhawpte chu Power Point Presentation hmanga entirna neihin, zirtirna hun a hmang ve bawk.

Vawiin Programme a Resource Person Dr S. Nandei, Chief Executive Officer, TQS Global Management System chuan Entrepreneurial Development tih thupui hmangin zirtirna hun a hmang.

Vawiin programme hi Session hnih a then niin, chawhnu lamah Resource Person chuan zirtirna hun hmang chhunzawmin, zawhna leh chhanna hun bakah  sawihona hun te hman chhunzawm a ni. He programme hi naktuk dt 4.3.2021 ah pawh hman chhunzawm leh a ni ang.