No.7688/2020-2021

February Ni 22, 2021 a Vigilance Committee on Bonded Labour System, Khawzawl District  thukhawmin a lo rel tawh bawhzuiin vawiin khan Vigilance Committee member-te chuan Khawzawl town chhung  veng hrang hranga dawr leh hnathawhna hmunte sawi lawk lovin an endik.

Vawiina endiknaah hian veng pathum; Hermon, Electric leh Vengthar huamchhunga dawrahte ‘The Bonded Labour System (Abolition) Act, 1976 bawhchhiaa inchhawrna a awm em tih endik a ni a. A bikin restaurant, workshop leh wholesale dawr, hnathawk chhawr nei chinte thlur ngun bik a ni.

Vawiina endiknaah hian dan bawhchhia hmuhchhuah an awm lo a. Sawi lawk lova endikna hi Khawzawl town mai bakah District chhung khaw dangahte pawh neih tur a nih thu Survey Team Leader Pu H. Lalramenga, SDC chuan a tarlang a ni. 

Leiba emaw, tha ba emaw rulh nana hna dang thawk thei lo, hlawh mumal inpe lo leh hmun dang kal thei lova tihluihna hmanga inchhawr hi Bonded Labour System (Abolition) Act, 1976 hnuaiah khap tlat a ni a. Mimal emaw, pawl emaw tilui an awm chuan kum thum thleng lungin tan emaw, cheng 2,000/- (sanghnih) thleng lei chawi emaw, a pahnih inkawp hmanga hrem theih an ni. Khawzawl District mipuite chu he system tha lo tak atanga inthiarfihlim tlat turin Vigilance Committee on Bonded Labour System Khawzawl District chuan a sawm a ni.