1948/2024-2025

Siaha the 6th September, 2024: District Level Nasha Mukt Bharat Abhiyaan (NMBA) meeting vawikhatna chu vawiin khan DC Conference Hall-ah Additional DC Pu Abraham Beirazi Khithie kaihhruaina hnuaiah tluang taka neih a ni a.

Meeting-ah hian kum 2024-2025 District Level NMBA hmachhawp (Action Plan) thlirhona leh hmalak dan tur te sawiho a ni a, Siaha District Social Welfare Officer(DSWO) Pi Lalbiakzuali chuan NMBA hnuaia hmalakna lo awm tawh te report a pe bawk.

Nasha Mukt Bharat Abhiyaan (NMBA) hi ruihhlo laka fihlim tura beihpui thlakna (Drug free India Campaign)  a ni a, Ministry of Social Justice and Empowerment hi Nodal Agency a ni. NMBA in a tum ber chu Ruihhlo tello a ram nuam siam a ni. Hemi tihlawhtling tur hian State Level NMBA committee a awm bakah, District tinah District Level NMBA din a ni bawk a. Siaha District-ah chuan Kumin 2024 atang hian bul tan a ni.