Vawiin chawhma dar 11:00Am khan Mizoram hmun dangte rualin Siaha-ah pawh 5th Mizoram State Anti Tobacco Day hi DRDA Conference Hall-ah  hman niin; vawiin programme thupuiah Smoke Free indoor tih chu hman a ni.

He hun hi Pu ZT. Vawra Hmar, District Consultant in  kaihruaiin,  Dr. HTC. Lalrinchhana, Judge Fast Track Court, Siaha chuan khuallian niin he programme hi a hmanpui a ni.

Vawiin 5th Mizoram State Anti Tobacco Day lawmna denchhen hian Siaha District Anti Tobacco Squad leh Legal Metrology Department te tangkawpin Illegal Contraband Cigarette a man khawm sate tihralna hun hman nghal  a ni a. Mipui hmuhlai ngeiin  khuallian Dr.HTC.Lalrinchhana chuan Dan phalh loh meizial man khawm Rs.90,000 man hu vel chu tuiah a chiahzawp nghal a ni.