2702/2022-2023
Siaha, the 17th November :- Vawiin chawhma dar 10:30Am khan District Fisheries Development Office, Siaha te bultumin One Day Conference Cum Workshop on Fish Farming tih thupui hmangin MADC Forest Hall-ah an nei. He programme hi Pu Lalramzawnchhuaha Khawlhring, DFDO, Siaha chuan a kaihruai a ni.

Vawiin a khuallian Pu Lalmalsawma Zasai, Dy. CEM MADC leh Board Member PMMSY (Fisheries Deptt) nibawk chuan thusawina hun hmangin, Fishery Deptt hi Deptt te tak te ni mahse hnathawk tha ber deptt te zingah an tel a ni, a ti. Tipa leh a chhehvel hmun remchangah hian Hatchery hmun awm thei se tiin ka ngaituah nasa thin a, kan hotu zawkte hnenah pawh chak zawka hmalak mek a ni tiin, tlang rama Sangha khawi kan ni a, phai ram te angin kan tuilakna te pawh a awlsam loh, tuilakna hmanrua pawh subsidy a pek dan tur te pawh kan hotute hnena thlen mek a ni. Tin, kan Sangha dil leh a chhehvel hmun remchang laiah te Vaimim chin uar ila, Sangha chaw a intodelhna tha tak a ni, a ti bawk.

Sawrkat atanga tanpuina kan dawn ang angte hi a nihna leh min pek chhan ang ngeia hman tum theuh ila, sawrkar tanpuina kan dawn zozai te ngaituah chuan hmasawn viau tawh tur kan ni laiin hmasawn erawh kan la mamawh viau chu a ni. Kan tih tur kan tih lova, kan tih loh tur kan ti nasa lutuk te hi kalsan a hun tawh hle a ni tiin, thahnemngai lehzual a tan la thar leh theuh turin vawiin a Sangha khawitu kalkhawm te chu a chah hlawm a ni.

Chawhnu session-ah training hun neih niin, heng thupui hmang te hian zirtirna hun hman a ni. Grow out Culture of IMC & EMC tih te, Integrated Aquaculture leh Composite Fish Culture thupui hmang tein mithiamte chuan zirtirna an pe a ni.

Pi V. Lalchhuanthangi, UDC, Fisheries Department chuan lawmthu sawina hun a hmang a, vawiin One Day Conference cum Workshop on Fish Farming under NFDB hun chu a khar ta a ni.