Vawiin chawhma dar 11:00Am khan MADC Biodigester Centre-ah Organic waste( wet waste) converter khawl bun chu Pu Bhupesh Chaudhary, IAS; District Bawrhsap chuan hman theihin a hawng ta.

He organic waste converter( Biodigester) hian tawihral theih thil te chu ni 10 chhungin leitha compost-ah a chantir dawn a ni. He organic waste Converter hian nikhatah organic waste 400kg compost-ah a chantir theih dawn a ni. Biodigester hian Bawlhlawh thliarhranna tray te, a pawtsawmna khawl te, bacteria, bawlhlo leh bawlhlawh pawtsawm tawh chawhpawlhna khawl te, composting rack te a chhawm a ni. Kan Siaha khawpuia bawlhhlawh tawihral thei te hi kan Siaha district-a lo leh huan nei mite tan malsawmna a lo ni tawh dawn a ni.

He Organic waste converter hi Siaha DC Pu Bhupesh Chaudhary IAS chuan LAD,MADC te hman atan Pu N.Zakhai, CEM,MADC nen MoU sign dunin MADC kutah a hlan ta a ni.

He biodigester hi Pu Bhupesh Chaudhary in Bharat Petroleum Corporation Limited(BPCL) te CSR atanga a dilchhuah a ni. Cheng nuai ₹19 senga din a ni. Pu Bhupesh hian Organic bawlhhlawh lakkhawmna/ phurna tur lirthei 2 pawh BPCL te CSR atangin dilchhuakin LAD, MADC kutah a lo hlawn tawh a ni. Bawrhsap Pu Bhupesh hian BPCL te CSR atang hian heng lirthei 2 leh Biodigester te lei nan hian cheng nuai ₹37 lai a dilchhuak a ni.

Vawiin Biodigester hawnna programme-ah hian thu sawiin,Deputy Commisioner chuan hetianga Bawlhlawh sawngbawlna project hi Mizoramah a vawikhatna a ni tiin; kan bawlhlawh sawngbawl dan hian kan faina chungchangah chauh kawngro a su lova, kan rilru hmasawnna thlengin a nghawng dawn a ni. He project hlawhtlingna thuruk chu thawhhona tha a ni. Sawrkar mi leh sa te chauh ni lovin, tlawmngai pawl, VC leh mipui mimir hian mawhphurhna kan nei vek a ni. Kan bawlhlawh te hi Bawlhlawh paih lirthei in a lo lak khawm hma hian mahni in-ah theuh a dahna hran lo siamin tawihtheih leh tawihtheih lo te hi lo thliar lawk vek ang u. Hei hi chhungkaw tin leh mitin mawhphurhna a ni tih hria i la, Plastic leh non- plastic waste te pawh thliarhrang i la, a sawngbawlna khawl tur pawh company lian te hnenah an CSR atangin kan dil mek a ni. Hawh u;

kan district hma a lo sawn zualzel theih nan leh kan lo fai zual zel nan i thawkho te ang u, tiin kalkhawm te chu a sawm a ni.Heng thiltum pathum(3): Reduce,Re-use leh Recycle(Titlem, hmannawn leh siamnawn) te hmang hian kan bawlhlawh te hi i sawngbawl te ang u, a ti bawk.

Pu N.Zakhai, CEM MADC pawhin thusawina hun hmangin, DC leh a thawhpui te chungah lawmthu sawiin, DC viaktha , Siaha district hmangaihtu leh hmangchang hria kan neih hi Siaha District hi kan vannei hle a ni, a ti.

Vawiin programme hi Pu H.Zonunmawia, Election officer in a kaihruaia, peogramme-ah hian MADC leh GoM official te, tlawmngai pawl te,VC te,MJA te leh sawmbik te an tel a ni.

Pu MH.Tiabi EM i/c LAD in lawmthu sawina in vawiin programme hi a khar ta a ni.