Vawiin chawhnu dar 3:00Pm khan AH& Vety Office, Siaha chuan Porcine Reproductive and Respiratory Syndrome(PRRS) leh Classical Swine Fever(CSF) vei vawk 19, inch 40 bawr vel thiau chu Dr.Sahlu khaila,DVO; Pu David J.Beidaolai,SDPO; Pu HC.Vanunthanga,Addl PP. leh Pu Noel.L.Kompa Ukil te hriatpuina hnuaiah kahhluma AH&Vety office ramah phumbo an ni.

Heng vawk 19 PRRS leh CSF vei te hi, Siaha khawchhung leh khawpawna man te an ni. Vawk 12 hi Myanmar atanga an lo luhpui laiin Tisopi kalkawngah Pu Thuankima(46) S/o Chawnchina, Siahatla leh Pu Nunawma, New Siaha-II te hnen atanga man an ni a.

Khawchhunga luhpui hman tawh hi Pu T.Lallawmtluanga S/o T.Bualhai, Siaha Vaihpi hnen atangin 4 man a ni a.Pu Beicho(58) s/o Pu A.Heiko,Siaha vaihpi hnen atangin 3 man a ni bawk.

Vawiin vawk 19 an dahthat tak te hi Leikhur feet 10 a thukah phumbo nghal an ni.