Vawiin chhun khan Rama Filling Station, Siaha a unload tur Petrol 12000litres, Tanker AS - 01GC/7483 in a phurh chu Legal Metrology Siaha ten an lo tih thin dan angin uluk takin an lo check a, a quality leh quantity-ah a tlin loh avangin an lo man.

He Petrol hi tahrik 25.5.2019 khan Challan No. 18743620 hmangin Silchar Depot atangin phurh chhuah a ni a, Driver hi Pradip  Chasa, Rammanipur, Assam niin motor neitu hi Rama Filling Station, Siaha a ni.Driver hian Challan a density in print sa chu ziaktha in correction a rawn siam a, chumi zulzui chuan Oil hi a rawn khawih chingpen ngei a ni tih hmuhchhuah a ni.

Oil lo thleng hi a tam lamah a tlinglo bawk.Oil phurh chhuahna a density leh unload na tur a density hmuhchhuah inthlauhna hi 003.0 pello tur a nih laiin Tanker compartment tina density inthlauhna chawhrual hi 005.9 daih a nih avangin unload tlak a ni lova, The Legal Metrology Act 2009 under Section 30 leh The Motor Spirit(MS) ang High Speed Diesel (Regulation of supply, Distribution and Prevention of Malpractices)  Order 2005 hmangin hremna pek a ni ang. Tank Lorry leh Driver hi Police Station, Siaha kutah kawltir a ni. Legal Metrology Siaha te hian Oil leh Gas lo thleng reng reng te mipui hnen a sem a nih hmain endik hna an lo thawk zel a, Underground Oil leh Pump Delivery pawh a khat tawkin surprise checking an nei thin bawk. T

ahrik 2.4.2019 zan khan Deputy Commissioner ruahmanna in surprise checking an lo nei tawh a, quality leh quantity ah tha tawkin an hmu a ni.Tunlai hian LAD Dept MADC te nen tangho in  Sa buk dik chauh mipuiin an lei theih nan theih tawpin tan an la mek ani.