1805/2022-2023
Siaha, the 2nd September, 2022 : Vawiin chawhma khan ITI Siaha-ah National Skill Qualification Framework under PMKVY. 3.0 (Skill Hub Initiative)- 2022 Trainee pass chhuak te hnenah Certificate leh Marksheet semna hun hman a ni.

He hun hi Pu F. Vanlalngheta, Instructor, ITI Siaha chuan kaihruaiin, Pu NT. Vabeihroso in hunserh a hmang a. Pu P. Pachhunga'n ITI Siaha Staff Welfare aiawhin Training chhuak te fuihna thuchah a sawi hnuah Pu Reuben T. Kompa, Principal, ITI Siaha in lawmthu sawina leh Certificate leh Marksheet semna hun a hmang.ITI Staff te leh Trainees te hnen atang pawhin thusawina hun a hmang ve bawk.

PMKVY. 3.0 (Skill Hub Initiative) 2022 hnuaiah hian ITI Siaha chuan Trade pahnih(2) (Assistant Electrician leh Domestic Data Entry Operator) a kalpui a ni. Heng Trade 2-ah hian Trainees 105 an awm a. Class hi tahrik ni 11 April, 2022 (Thawhtanni) atang khan kal tanin, ni 4 August, 2022 (Ningani) thleng an kal a, ni 10 August, 2022 (Nilaini) khan Exam an neih ta a ni. Trainees 67 ten Exam hmachhawnin Trainees 63 in hlawhtlinna an chang a ni. Heng Course te hi NCVET (National Council of Vocational Education and Training) hriatpuina a kalpui leh neih a ni.