2928/2024-2025

Siaha the 12th November, 2024: Vawiin chawhnu Dar 1 khan DC office chamber, Siaha-ah District Poor Students Trust Society (PSTS) te chuan Siaha district chhunga zirlai naupang harsa zual, zirna lama tanpui tlaka an ngaih te tanpuina hun hman a ni a, zirlai mi 5 hnenah Poor Students Fund hi sem a ni. Heng zirlai mi panga te hi an vaiin cheng 39,000/- theuh pek an ni a, District Bawrhsap Pu Hruaizela, PSTS Chairman ni bawk chuan heng tanpuina hi a hlan a ni.
Vawiina programme hi November Ni 8 a Poor Students Trust Society Meeting in a lo rel tawh anga kalpui niin zirlai tanpuina dawngte chu :

1) Malsawmdawngliana S/o Lalhmangaiha, BE (Computer)
2) Vatei Khithie S/o K. Zadu, BE (Civil)
3) FC. Vabeihneichhua S/o FC. Samau, BE (Electronic)
4) Beihmolai Hlychho S/o HC. Zakaw, Radiology leh
5) M. Abraham S/o M.Khaichhua, B.Sc. (Forestry) te an ni.

Vawiina sum pekchhuah zawng zawng hi a vaiin cheng 1,95,000/- a ni. MADC a Education Department aiawhte bakah MSO leh MCHP Gen Hqrts aiawh ten vawiin hun hi an hmanpui a ni.