1211/2022-2023
Siaha; the 11th July,2022: Vawiin chawhma dar 11:00Am khan DRDA's District Rural Resource Centre-ah Pu C Lalrosanga,MP(LS) kaihruaina hnuaiah Siaha District Development Co-ordination &Monitoring Committee (DDCMC)/DISHA ten meeting an nei.

Meeting khuhhawnna thu sawiin Pu C.Lalrosanga chuan Covid-19 hrileng a vang te,Assembly Session leh Parliament Sessioni te avangin MLA leh MP te nena kim thapa meeting kan nei lo na a lo rei tawh a, internet connectivity that tawk loh avangin Video Conferencing kal tlanga DISHA meeting neih kan tum te pawh kan pamtul leh thin kha a ni a. vawiinah kum 1 leh a chan ve hnuah Pu KT Rokhaw MLA te nena DISHA meeting kan han nei leh thei hi ka lawm hle a ni, a ti.

Pu C.Lalrosanga chuan DISHA meeting hi tihdiklo zawnchhuah(fault finding) meeting a ni lova, CCS Line Department ten Sawrkar laipui Scheme pawimawh tak takte chu tha takin an kalpui thei nan te, harsatna an nei te leh an hmasawnna chin te inhriatpui tawna, Line Department hrang hrang ten thawhhona an nei that thei nan leh hmalam hun atana Scheme leh Plan tha leh felfai tak duan a nih theih nana meeting hi neih kan ni zawk a ni, a ti. Sawrkar department hrang hrangte hunbi ruata hnathawh zo hman tum tura chahin an rawngbawlsak mipuite tana theihtawp chhuah theuh turin a fuih nghal bawk a ni.

Vawiin meeting-ah hian Siaha District chhunga Central sawrkar sum hmanga nikum chhunga hnathawh te thlirhona neih a ni a. CSS hmanga hmasawnna hnathawktu Department hrang hrang te hmalakna thlir hova, an hmachhawp leh harsatna te pawh sawiho a ni.

Vawiin meeting-ah hian Centrally Sponsored Scheme thawk/khawih department ten an hmalakna theuh leh an hmachhawp te, an harsatna tawh te report an pek bakah rawtna an neih ang ang te pawh meeting-ah hian an thlen bawk a ni.

Vawiin Meeting-a Head of Office te report then khat: PD,DRDA, Siaha chuan MGNREGA hnuaiah Financial Year 2022-2023,1quarter chhungin Job Card holders 17527 hnenah ni Ni 30(Siaha RD hnuaiah) leh Ni 25(Tipa RD hnuaiah) inhlawhna siam tawh a ni. Pradhan Mantri Awaas Yojana-Gramin, PMAY-G (Rural Housing Scheme) hnuaiah kum (2020-2021) atan beneficiaries 895 thlan an ni a, spot verification neih zawh tawh niin, registration kalpui mek a ni. Financial Year 2022-2023 1st quarter-ah Pradhan Mantri Krishi Sinchayee Yojana (PMKSY) hnuaiah Water Reservoir-3 , Afforestation 7Ha leh Leilet(wrc) 18Ha te siam a ni, thu a report.

EE,PHED chuan January,2020-- June,2022 chhungin PHE Department in SBM(G) hnuaiah thingtlang khaw 25-ah Individual Household Latrine(IHHL) 592 an siam a,Jal Jeevan Mission (JMM) scheme hnuaiah District chhunga khaw 14 a chhungkaw 2843 hnenah tui Connection (Functional Household Tap Connection) (FHTC) pek an ni bakah, School 172 leh Anganwadi 96 hnenah pek an ni bawk thu a report.

EE,PWD,Siaha Division chuan Pradhan Mantri Gram Sadak Yojana (PMGSY) hnuai atangin January2020--June,2022 chhungin kawngpui 22 sialin, 4 chu zawh fel tawh niin, a tam zawk hi zawh tep tawh a ni, tiin a report pe.

CMO, Siaha chuan January,2020--June,2022 chhungin Naupiang 1852 awmin, nausen thi 41, Institutional delivery -- 1549 leh Home delivery--326 an awm a, Nu nau chunga thi an awm lo. HIV blood test zat--2053, HIV hrik pai zat-- 105(mipa-87 leh hmeichhia--18). Malaria hrik blood test--25037, hrik pai hmuchhuah zat--611. Tunah hian Siaha district-ah PHC 4 awm mekin, PHC 3 in doctor an nei lo.Sub Centre 9-ah Health worker awm lo, 37 sub centre awmah, 25 te hian HW pakhat chauh an nei. SC 13 ah IV Grade an awm lo bawk. Covid-19 Sample test(RAgT+TrueNat) zat---59,862, Positive zat--6741, thi zat--21 an awm thu a report.

Heng bakah hian concern Line Department a Head of office viz: EE,P&E te, DVO, DCSO, EE, Irrigation &Water resources, DEO,BDO,Siaha RD Block, BDO,Tipa RD Block,DHO,DSWO,CDPO,Lead Bank Officer,SDO(S), SDE(BSNL) etc...te atangin an hmalak tawhna leh an hmachhawp te report ngaihthlak niin, huangzau taka sawiho a, thlirzui ho a ni.

Vawiin meeting-ah hian Pu KT.Rokhaw,MLA, Pu H.Malvina,CEM,MADC leh Pu N.Viakhu,Chairman,MADC te pawh telin, Meeting hi Pu Lalsangliana, District Bawrhsap chuan lawmthu sawinain a ti tawp ta a ni.