1212/2022-2023
Aizawl 11.07.2022: Chief Minister Pu Zoramthanga hovin vawiin khan SEDP Governing Board chu CM Conference Hall-ah thu pawimawh tak tak ngaihtuahin an thukhawm.

Vawiin SEDP Governing Board meeting-ah hian family oriented SEDP programme tlangzarhna state pum leh district tin a buatsaih thuai ni se tia rel a ni a. State level-a tlangzarh hnu ah a tahtawl a district level a launching program buatsaih ni se tih a ni.

He Family oriented SEDP hi a thawh khatna (first installment) ah hian constituency tina beneficiary thlanchhuah atangin a zatve (50% of beneficiary) te chu puihna a full in dawng tura ruahman niin, a thawh hnihna ah a bak zawng hnena puihna pek leh tura rel a ni.

Beneficiary te hnena tanpuina sum transfer chu department-te mawhphurhna a nih angin an district office theuh te kaltlanga pechhuak turin department ten ruahmanna an siam thei ang a. Hemi atan hian Department-te district office chuan an awmna District Level SEDP Committee hriatpui nain hma la se tia rel a ni.