Vawiin chawhma dar 11:00Am khan District Research Officer's Office buatsaih 'Annual Training of Registrars of Births & Deaths, 2019-2020' chu D.C's Conference Hall-ah neih a ni. Pu PC. Lalbiaktluanga, District Research Officer, Siaha chuan he training programme hi a kaihruai a, Pu VT. Zawsi, RBD, Ahmypi chuan training hawnna tawngtai hun a hmang.

Siaha District huam chhunga khawtin a Registrar of Birth & Death te tana buatsaih training hi Pu Amol Srivastava IAS, Asst. Commissioner, Siaha chuan khuallian niin a hmanpui a, thu sawiin Pu Amol chuan, Data dik leh rintlak tak lakkhawm hi thil namai a ni lova, he hna thawktu tam zawk hi Zirtirtu in ni bawk si a, zirtirna piahlam hna inthawh hi a ropui a, in chunga mawhphurna awm behchhan hian sawrkar pawhin hna a thawkin, tehfung pawimawh berah a hmang thin a ni, tiin. Data Collect chungchangah pawh uluk lehzual a tan la turin leh training hi tangkaipui tum theuh turin vawiin RBD te chu a chah hlawm a ni.

Pi C. Lalthanmawii, Research Officer, Directorate of Economics & Statistics, Aizawl pawhin fuina tha tak tak sawiin, RBD te chu Nausen piang hming zialuh leh Death Certificate pek dawna buaina awm loh tura a supported documents diltel nachang hriat a tul thute sawiin, RBD te chu inthladah lova tan lazual sau sau turin a chah hlawm bawk.

Pi Lalfakawmi, IS; Pi Laldinpuii, SIS; Pu Michaela, DPA leh Pu V. Khawmluaia, IS te chuan vawiin Registrar of Birth & Death te chu training an pe a ni.

Zawhna leh chhanna hunte hman chhunzawm niin, RBD te hnen atanga zawhna leh an harsatna awm ang ang an sawite chu mithiamte chuan hrilhfiahin, harsatna an neih thinte pawh inpawh tlang takin an sawiho a, trainees ten an hlawkpui hle a ni. He Registrars of Births & Deaths te tana training buatsaih hi naktuk Dt 15.11.2019 ah pawh chhunzawm leh a ni ang.