4065/2024-2025

Siaha the 4th February 2025: Tukin zing dar 7:30 khan Traffic Point, Siaha Bazar-ah District Level Road Safety Committee buatsaihin Road Safety Month hawnna neih a ni a, DTO Pu Manesia Khaimeichho chuan he hun hi kaihruaiin MADC EM (Transport Department) Pu Beirahmo Syhly chu Khuallian a ni.

Khuallian EM Pu Beirahmo Syhly chuan lirthei khalhtute bakah mipui kea kal te fimkhur tawk loh vanga nunna hlu tak chan an awm thin avanga Road Safety Month chu hman thin a ni a ti a, Mihring nunna hlu tak vawnghim tura fimkhur inzirtirna hun buatsaihin a ni chu a lawmawm hle a ti.

Road Safety Month hawn tak chu Lirthei khalha eizawngte tan chauha buatsaih a ni lo a, mipui kea kal, private motor khalh tute tan pawh a pawimawh hle tiin fimkhur tlan a pawimawhzia hre thar a, rilru thar leh ngaituahna thar nen tangho turin mipui a sawm a ni.

He hunah hian Motor Vehicle Inspector (MVI) Pu K Lalrinsanga pawhin thusawiin kum tlingloa lirtheih khalhin harsatna tam tak bakah chetsualna a thlen fo thin a ti a, nu leh pa te pawn an fate kum tlingloa lirthei khalh tir lo turin a ngen. District hmellanna pawimawh tak pakhat chu Lirthei khalhtuten an lirthei khalh danah a ni tiin district hmel timawitu ni theuh turin a sawm bawk a ni.

Hun kaihruaitu District Transport Officer, Pu Manesia Khaimeichho chuan Road Safety Week chu kumtin hman thin a ni a, he hun chhung hian motor document-te endik thin niin road manner leh guidelines zirtirna neih thin a ni, a ti. Road Safety Month chuan thil tum tam tak neiin chung zingah chuan kum tling thar, driving license nei thar ten road manner leh etiquette zirtir a, an zawm ngei a ni tih finfiahte a ni, a ti. Mihring changkanna tehfung pakhat chu lirthei khalh danah a ni a ti a, mahni mai bakah midang hrilhchhawng tu ni theuh turin a fuih bawk a ni.

District Transport Officer chuan Road Safety Pledge chhamrualna kaihruai bawkin hun tihtawp a ni.