4064/2024-2025

Siaha the 4th February 2025: Zakapa Award - Annual Award hi Department of Social Welfare and Tribal Affairs chuan Khawhri khaw Lal, Fanai Lal Zakapa chawimawina leh hriatreng nan kum 2023 khan an lo buatsaih tan tawh a. He Award ina a tum chu mimal/ zirna in/ kohhran/ khawtlang/ NGO atanga hmeichhe dinhmun chawisan kawnga ke pen te emaw hmeichhe laka hleilenna leh nunrawnna do te chawimawina pek a ni. Hei bakah hian mipui zingah hetiang hawi zawnga inzirtirna leh hmeichhe laka hleilennate a lo tawp theih nana tha thawh tura infuihna tha tak a lo nih ngei beisei a ni.

Organising Committee for Zakapa Award 2023 chuan Dr. Lalrinawmi Ralte, Tlangnuam, Aizawl chu he Award dawng hmasa ber turin a lo thlang tawh bawk. He Award hian pawisa fai cheng nuai khat bakah Citation a keng tel a, tun kum Women's Day Dt.8.3.2025 ah hian sem a ni ang.

Siaha District-a mimal/ zirna in/ kohhran/ khawtlang/ NGO atanga he Award dawng thei tura kan rin te nominate duh tan he ahnuaia hming ziak hnenah hian Dt. 10.02.2025 aia tlai lovin an hming, chanchin kimchang leh an thil tha tih chungchang ziaka thehlut turin kan in hriattir in kan in ngen a ni.