Vawiin chawhma dar 10:30Am atang khan  District Playground, Siaha Viahpi-ah Mizoram hmundang te rualin Siaha-ah pawh CHAPCHAR KUT-2020 ropui taka lawm a ni a.Tlailam dar 3:00Pm thlenga hun hman a ni.

Pu PP.Zalena,President MTP(H) chuan Kut thlengin, Pu Bhupesh Chaudhary IAS, District Bawrhsap chu KUT PA a ni ve thung. Pu Lalhmingthanga'n Hlado a chhamin;  YLA Sub Hqrs,Siaha ten Kut hawnna hla an sa a. Kut hawnna leh lawmna thuchah hi  KUT PA Pu Bhupesh Chaudhary chuan a sawizui ta a ni. Pu Bhupesh chuan  Chapchar Kut-2020 thupui  *Zonun ze mawi chhawmnun*  tih hi hre rengin, kan khawvel hmasawnnain Zonun ze mawi tam tak mausama, a pawlh dal mek hi en liam mai lova, Chapchar Kut kan hman thin te hian Zonun ze mawi chhawmnunna kawngah,  kan rilru kai thoin; kan tha ti chak mawlh rawh se, a ti.

Vawiin Chapchar Kut lawmnaah hian Malzai,Music Band te leh Group lam te in mipui pungkhawm hi an awi reng a ni.

LWA,MCHP,MHIP leh MUP ten *Hnam Incheina* an entir a. YLA,MTP leh YMA  ten *Hnam lam* an entir a. Joel Public School naupang ten *Pawnto* an entir bawk. Chapchar Kut Pual hian District chhung atanga mi hmingtha, khawtlanga inhmang, Social Worker  leh State Level,National leh Inter National level-a infiammi hmingthate leh State Games-2019 a Gold Medalist-te hnena *CHAWIMAWINA NOPUI* hlan a ni bawk.
Chungte chu:

  *1.Pi P.Chaki New Colony Siaha:-* Ani hi MCHP Hqrs Term-4 a zawna tling tawh a ni a.Central leh State atangin Social Worker Chawimawina te lo dawng tawh a ni.Siaha-ah pawh Moonlight Award lo dawng tawh a ni.

     *2.T.Malsawmkima S/o T.Beihrua,Thosai* Mizoram State Games-2019-ah khan 10,000Mtrs Race-ah Gold medalist a ni.
  Ani hi kum 2014a 
*42 KMs Mizoram Open Marathon Race-2014-ah khan Gold Medal* lain, kha mi kum atang khan Mizoram puma Intlansiakna awm hrim hrimah chuan Gold medal a la fai vek a ni.
         
   3. *C.John Denise S/o Pastor C.Khaisa College Vaih Siaha* Mizoram State Games-2019, Wushu 65Kgs above category-a
Gold Medalist a ni.

 *4.Silvan Beihrothatlò S/o MH.Beilòngà Chhaolò* Mizoram State Games-2019, Weigthlifting 60Kgs Category-a Gold Medalist a ni.

 *5.Reuben F.Lalhruaizela S/o F.Laltlanliana New Colony-11 Siaha* Mizoram State Games-2019-ah khan 10 Meters Air Rifle Peep Sight Men category-a Gold Medalist a ni a. 
 Kum 2017,2018 leh 2019-a Mizoram State Shooting Championship-ah khan Silver Medal a lo la fai vek tawh bawk a ni.

6. *Jennifer Lalruatfeli D/o K.Zothansanga Tipa Dairy* Mizoram State Games-2019 a Wrestling 46Kgs category-a Gold Medalist a ni.

Chapchar Kut-2020 pual hian Zonun ze mawi leh Chapchar kut lam hawi thuziak tha ber chanchinbu 3 thlan chhuah an ni. Chung te chu:-
1st---- Chhim Aw
2nd---The Times of Maraland
3rd----Siaha Post te an ni.

Chapchar Kut Nula leh Tlangval thlan a ni bawk a. Chapchar Kut-2020 Nula chu *Carolyn C.Rohlupuii* D/o C.Lalhranga,New Siaha  a ni a, Chapchar Kut-2020 tlangval chu *Jeremy Lalruatsanga Hnialum* s/o H.Lalthangpuia, New Siaha a ni thung. Vawiin Chapchar kut lawmna pual hian Mipa naupang leh Hmeichhe naupang hnam thuam inhmeh ber leh inchei nalh ber te thlanchhuahna neih niin, mipa naupang inchei nalh berah *Kôlai Bôhia* s/o Samuel Vabeikyhpacha Bôhia, Siaha vaihpi chu thlan a ni a, hmeichhe naupang inchei nalh ber atan *Daphne H. Malsawmzuali* d/o Laltharliana, New Siaha chu thlan a ni bawk. Mipa puitling leh hmeichhe puitlingah pawh thlan niin, Mipa puitling inchei nalh ber chu *Pu Lalnunkima Pisa* s/o P. Zalena, New Siaha leh Hmeichhe puitling inchei nalh berah *Nl. Christina Lalneihhlui* d/o HC. Motha (L), New Siaha te chu thlan a ni bawk.

Vawiin Chapchar Kut lawmna-ah hian *Chhawnghnawh* leh *Chailam* hun te pawh hman a ni bawk.

Pi Suipari,President LWA in lawmthu sawinain vawiin Chapchar kut lawmna hun hi a khar ta a ni.

Attachment

  • Loading attachment...