No.2659/2020-2020

Tukin zing dar 7:00am khan District Project Office( Samagra Shiksha) kaltlangin, Siaha district khaw hrang hranga semchhuah tur; FREE TEXT BOOK 16,000 chuang phur Lirthei te chu Bawrhsap Pu Bhupesh Chaudhary IAS in a vailiam.

He Free Text Book flag- off programme tawi hi Government High School, New Siaha tualzawla neih niin; Pu PC.Lalngaizuala ,DEO/DPC (Samagra Shiksha, Siaha district) in a kaihruai a. He programme tawiah hian thu sawiin; Pu Bhupesh Chaudhary IAS chuan tunlai kan hun tawn khirh tak covid-19 boruak avangin an Zirna In te khar lailawk ni mahse; ka zirlai ten rilru hnual nan i hmang lo hram ang u. Nikum lam aiin kan result-ah hma kan sawn hret a, he kan hmasawnna hi chhawmnung zel turin Zirtirtu leh zirlai ten tan i la zual sauh ang u. Tukin kan a thlawna semchhuah tur zirlai bu vailiam theia ka awm hi ka lawm tak zet a, hetiang atana hmalatu DEO/DPC leh a staff te leh Education dept staff zawng zawng te hnenah pawh lawmthu ka sawi tak meuh meuh a ni. He kan FREE TEXT BOOK te hi kan Siaha District in Zirnaa hma kan sawn zual zelna thei nana a kila lung pawimawh tak lo ni se; an zirna-a hmasawnna a thlen theih nan zirlai tin te duhsakna sang ber ka hlan nghal bawk e, tiin; Free Text Book phur Lirthei te chu a vailiam ta a ni.

Pu PC. Lalngaizuala, DEO&DPC pawhin thu sawiin; He free text book hi kan district-ah hian cluster -11(eleven)ah sem chhuah a ni dawn a, fur khawchhe karah Pick-up, Bolero, Sumo, Gypsy ten kan phur chhuak dawn a ni.

Zirlai naupangte tan malsawmna nasa taka lo nih theih nan BBRC leh CRCC tinte taimak kan chhuah theuh a tul dawn a ni, a ti.

Tukin zing programme tawiah hian sawmbik MSO(H) hruaitute,Siaha MJA te, BRCC (Block Resource Centre coordinator),CRCC ( Custer Resource Centre Coordinator) te leh DPO (Samara Shiksha) officers leh staff te an tel a ni.

Tukin zinga Text Book vailiam tak te hi Primary leh Middle School zirlai naupangte hman tur a ni a. High School leh Higher School zirlai te tan a lo la thleng leh dawn a ni.