No.2658/2020-2020

Dated Serchhip, the 2nd July, 2020: Vawiin hian Serchhip Bawrhsap thar tura ruat Pu Kumar Abhishek, IAS chuan he hna chelh mektu Dr. Lalzirmawia Chhangte, IAS hnen atangin Serchhip Bawrhsap mawhphurhna a la tan.

Pu Kumar Abhishek hi Delhi chhuak niin kum 2016 ah IAS a tling a, AGMUT Cadre a ni. October, 2018 atang khan CEO, Mizoram ah attached niin MLA General Election leh MP Lok Sabha Election te neih fel a nih hnuah SDO Phaileng in a awm zui leh a. Chumi hnuah Addl. DC Aizawlah a thu zui leh a ni. Tichuan kan hriat theuh angin June ni 18, 2020 a sawrkar thuchhuak angin Serchhip Deputy Commissioner hna chelh tura ruat a ni zui leh ta a. Vawiin hian a hna thar hi a rawn zawm ta a ni.

Pu Kumar Abhishek hian kum 2018 khan nupui Neetisha Verma, IRS a nei a. A nupui hian Assistant Commissioner of Custom, Mizoram, hna a chelh mek a. Tun lai hian Asst. Commissioner of Custom, Manipur mawhphurhna pawh a chelh kawp mek bawk. A nupui hian a rawn tawiawm nghe nghe a, fa an la nei lo a ni.