4859/2024-2025

Siaha the 27th March 2025: Swachh Bharat Mission leh DAY-NULM tangkawpa buatsaih Ni 2 chhung awh tur Sikul Bungraw Inthleng Runpui (Swap & Save) chu RRR centre, Traffic Point, Siaha-ah vawiin atang khan hman tan a ni a, District Project Organizer (DPO), Pu Vanlalchhuanliana, SDO (S) nibawk kaihhruaina hnuaiah he hun hi hman a ni.

Swap & Save hi sikul bungrua, a hmangtu tana tangkai tawh lo, tangkaipui thei tur hnena hlanchhawn nana buatsaih a ni a. bungraw dah lut tute pawhin an mamawh zawng an lak theih bawk avangin a dahtute leh dawngtute tan a tangkaiin a hlawk hle a ni.

Vawiin Swap & Save-ah hian Sikul zirlaibu, uniform, bag, pheikhawk leh zirna atanga tangkai tur thil kenkhawm niin a mamawhte tan a thlawna lakkhawm theih a ni a, bungraw inthlengte pawh felfai taka chhinchhiah a ni. 

School bungraw inthleng Runpui hi Ni hnih chhung neih tura ruahhman ni a, vawiin bakah naktuk date 28th March zing dar 10 atanga chawhnu dar 4 thlengin hun hman a ni leh dawn a ni.

DPO Pu Vanlalchhuanliana chuan he hun hi tangkai taka hmang theuh turin mipuite a sawm a, an thiante leh midang hmang tangkai thei tur te hrilhchhawng theuh turin leh an mamawh tawk chauh la khawm turin a fuih hlawm a ni. Vawiin Swap and Save programme-ah hian school naupang leh nu leh pate an thahnem hle.