4858/2024-2025

Dated Serchhip, the 27^th March, 2025: Vawiin khan Serchhip DC Pu Paul L.Khuma chuan The Mizoram Bana Kaih (Hand holding) Scheme hnuaia Priority Progress Partner te tana Serchhip DC Conference Hall-a training buatsaih chu a hawng.

Ram hmasawnna tura sawrkarin thawhpui tura a thlan chuah Priority Progress Partner te chu hlawhtling ngei tura tan la turin Pu Paul L Khuma chuan a sawm a, “Sawrkar hma thlir leh in thil tum a inmil a, theihtawp in chhuah chuan sawrkar flagship programme a hlawhtling dawn a ni” a ti. Ruahmanna tha tak siamin sawrkarah mi tam takin dilna an thehlut a, uluk taka thuneituten an en dik hnuah hlawhtling thei tura beiseiawm te sawrkarin Progress Partner atan a thlang a; chuvangin, an vanneihzia inhria a loan an lak te tiriral mai mai loin, hlawhtlinpui ngei turin DC chuan a chah a ni.

Training kaihruaitu Addl. DC Pu Lalrinzuala pawhin a thlawna tanpuina dawng an ni lo tih inhre tur leh Hand Holding Scheme hnuaiah sawrkarin hmasawnna atana thawpuia a sawm te an ni tih in hre turin a fuih a. A ti tha ber leh hma hruaitu nih tum turin a chah a ni.

Vawiin training hi The Mizoram Bana Kaih (Hand holding) Scheme hnuaia Serchhip District chhunga sawrkarin Priority Progress Partner mi 29 a thlan chhuah te tana buatsaih a ni a. Training buatsaih vawi khatna niin vawiinah hian Resource Person mi pali - Dr C.Vanlalchhanhimi, SDC; Pi Anne Lalhriatpuii, Accounts Officer DRDO;  Pi Ramnghahmawii, SBi Serchhip Branch Manager leh Pi Judy Lallawmzuali, MRB Serchhip Branch Manager ten thupui hrang hrang hmangin kalkhawmte an zirtir a ni.

Training chhuak te hnenah hian certificate hlan ngal a ni a. Addl.DC Pu Lalrinzuala’n inkhawm a kaihruai a, SDO (Sadar) Pi Rebecca Laldinmawii Hrahsel chuan lawmthu sawiin hun a khar a ni.