4601/2024-2025

Siaha the 11th March, 2025: Vawiin chawhma khan District Child Protection Unit (DCPU), Siaha leh Sponsorship and Foster Care Approval Committee, Siaha District buatsaihin 'Sensitization Programme for Sponsorship Beneficiaries Children and Parents’ chu DRDO Conference Hall, Siaha ah hman a ni a, Pu VL Hruaizela Khiangte, Deputy Commissioner, Siaha District chuan he hun hi hmanpuiin Sponsor dawng tura thlanchhuah naupangte leh an nu leh pate pawh an tel a ni.

Pu Isaac Lalmuanpuia, Project Coordinator, Child Helpline, Siaha chuan he hun hi kaihhruaiin, Pi P Chaki, Member, SFCAC chuan hunserh hi a hmang a ni. Pi Laltlanmawii, District Child Protection Officer( DCPO) Siaha chuan Programme buatsaih chhan kalkhawmte hnenah sawiin, Sponsorship pek dan chungchang sawifiahna a nei bawk.

Khuallian Pu VL Hruaizela Khiangte, Deputy Commissioner chuan, engkima thawhrim a pawimawhna leh dik taka thil ti thin ten Pathian malsawmna an dawn thin thu sawiin, Sponsor sum lo lut te chu a hmanna tur dik taka hman a nih theih nan rinawm tak leh dik taka hmang turin a sawm a ni.

Pu Teddie T Lalnunrema, PO( NIC) DCPU, Siaha chuan Sponsorship and Foster Care Approval Committee tum leh hmalaknate a sawi a.Sponsorship chu naupang kum 18 hnuailam ten an dil thei a, dilna lut atanga tanpuina dawng awm naupangte chu SFCAC ten an thlan thin thu a sawi a ni. Tunah Siaha District ah naupang Sponsor lai 110 an awm mek thu a tarlang bawk.

Chawhnu lamah ‘The Protection of Children from Sexual Offences (POCSO) Act,2012’ chungchang zirtirna neih a ni a. Hemi kawnga hmalak dan tur leh tun aia naupangte an lo him zawk theihna tura tan lak tur kawng hrang hrangte zirho a ni bawk.