1868/2026-2027 

Siaha, 20th August 2026: Vawiin khan District Panchayat Resource Centre (DPRC) Hall, Siaha-ah Siaha District-a Village Council sawmthum pathum (33) te tan Mara Autonomous District Council (MADC) a Local Administration Department (LAD) buatsaihin Solid Waste Management Rules -2026 chungchangah inhrilhhriatna neih a ni.

'Sensitization Training on Solid Waste Management Rules, 2026' hun kaihruaitu MADC a LAO Pu Henry PL Hnaihly chuan Supreme Court in India ram a lo thianghlim zawk nana zawm ngei tura thupek a chhuah bawhzuinaa vawiin training chu koh a nih thu a sawi a,he dan hnuaiah hian bawlhhlawh te chu chi (4) li a thliar hran tawh tur a ni a ti. Kalkhawmte chu India khua leh tui tha an nihna anga ramchhung a lo fai zawk nan kawng tinrengah hmalak puiah sawmin thawhhona ṭha chuan ram nuam zawk a siam bakah hlawhtlinna a thlen tih a sawi a ni.

UD&PA a Data Entry Operator Pi K. Lalruatpuii chuan 'Solid Waste Management Rules, 2026' chungchang sawifiahin Rashtriya Gram Swaraj Abhiyan (RGSA) a Head Faculty Pi Lalenkawli'n chuan 'Solid Waste Management Rules, 2026' dan hnuaia bawlhhlawh sawngbawl dan tur chungchanga hriattur pawimawh hrang hrang zirtirna a pe bawk a ni.