1869/2026-2027 

Dated Serchhip, the 20^th August 2026: Vawiin khan Serchhip District Bawrhsap Pu Paul L. Khuma hovin District Level Tb Mukh Bharat Abhiyan leh TB Forum thutkhawm DC Meeting-Hall-ah neih a ni a. Meeting-ah hian Sr. Chief Medical Officer Dr. Lallawmpuii leh damdawi lama hotute bakah, Serchhip Addl. SP Pu H. Lalduata te, department hrang hrang hotute leh khawtlang hruaitute an tel a ni.

Dy. Chief Medical Officer Dr. Lallawmkimi chuan District Level TB Mukh Bharat Abhiyan thiltum tlangpui sawiin December 2026 chhunga India rama TB natna tihrem tumna kawnga  rampum huap hmalakna a nih thu a sawi a,  Dsitrict chhunga hmalakna report ngaihthlak  niin Serchhip Disitirct chhunga TB natna tihrem dan tura ruahmanna hrang hrangte sawi ho a ni bawk. 

Report-a tarlan a nih danin india ram mipui 40% te hian TB hrik an kaiin kum tin mi nuai 31 vel TB avangin an thi thin a, Mizoramah TB natna vei 1371 awmin Serchhip District-ah chuan mi 56 an awm a, Thenzawl-ah vei an tam ber nia tarlan a ni bawk.

Vawiin thutkhawmah hian Block leh District level-ah TB Mukh Bharat Abhiyan Committee din a ni tawh thu te sawilan niin, VC area hrang hrangah TB Screening chak zawka kalpui a nih dan tur te, TB Free Village nih theih dan tur te, Health department leh sawrkar department hrang hrangte leh khawtlang hruaitute inkara thawh hona tha zawk a awm  theih dan turte, ruahmannate chak zawka bawhzui dan turte rel a ni a; TB Forum kaltlanga TB natna veite tana tanpuina pek dan leh tanpuitu Nikshay Mitra nih theih dante sawi a ni bawk. 

Kum 2025 khan Serchhip District-ah TB Free Village 23 an awm a ni.