1524/2023-2024

Dated Siaha the 15th August 2023 : Vawiin chawhnu khan Siaha District Football Association (SDFA) Playground-ah Independence Day vawi-77 na puala buatsaih Football Tournament Final khelh a ni a, he hunah hian Social Welfare & Tribal Affairs Minister Er.Lalrinawma chu khuallian niin lawmman semna a nei.

India ram zalenna champha phak vawi 76 na puala buatsaih football tournament hi ni 3 August khan tan niin category pahnih - Veteran (kum 40 chunglam) leh Open category -ah then a ni a. Veteran category ah hian team 16 telin Open category-ah hian team 25 an tel thei a ni.

Vawiin final khelh ah hian Veteran category ah Siaha Police leh Siaha United FC- te inkhelin, Siaha Police te hian 5-0 in hnehna an chang a .Open category ah hian FC College Vaih leh Tisi Kaopi FC-te inkhel bawkin hun pangaia an inhnehtawk hnuin penalty hmanga champion zawn niin Tisi Kaopi FC te hian 5-4 in hnehna changin an champion a ni.

Open category-a champion team hian lawmman -Trophy, Certificate leh cheng 30,000 dawngin Runner up hian -Trophy, Certificate leh cheng 10,000 an dawng a. Veteran Category-a champion team- te hian lawmman -Trophy, Certificate leh cheng 10,000 dawngin runner up hian- Trophy, Certificate leh cheng 5,000 an dawng ve bawk a ni.