1320/2023-2024

Dated Siaha 31st July 2023 : Vawiin khan Independence Day vawi 76-na lawmna puala Parade neih dan tur sawihona SP Office Chamber, Siaha ah neih a ni a, thutkhawmna hi Pu V.L. Lura Hauzel Superintendent of Police, Siaha chuan a kaihruai.

Pu V.L. Lura Hauzel chuan thutkhawmna a lokal te hnenah lawmthu sawina nei hmasa in, Independence Day hlawhtling taka hman a nih theih nan Parade Contingent-te chu an pawimawh tak zet tih a tarlang a. Parade leh march-past chu mipuite mit titlaitu leh Independence Day lawmna tiphuisuitu ber a nih avangin parade tha tak phochhuak turin parade a tel tur zawng zawngte a ngen nghal a ni.

Thutkhawmna a rel a nih angin parade hi July ni 9-11 chhung zing dar 6:30-8:30 inkarah zir tur niin, ni 12 zing 10:30-ah final rehearsal neih a ni ang. School Parade Contingent pakhatah hian mi 21 zel awm tura tih niin, parade a tel tur zirlai naupangte hming hi DEO emaw SP hnenah thehluh tur a ni a, Parade endiktu tur (judge) pathum ruat tura tih niin SP in Judge turte hi a lo ngaihtuah dawn a ni. Parade zir chhunga medical duty tur hian Medical Superintendent, Siaha chu rauhmanna lo siam tura tih a ni a, Parade zirna atana mamawh 'sound system' chu DIPRO, Siaha ngaihtuah tura tih a ni. Parade zir chhung hian Refreshment awm tura ruahmanna siam ni se tih niin parade zirna tur khelmual pawh thenfai hmasak tura rel a ni bawk.

Vawiin thutkhawm ah hian parade a tel tur School bakah Armed Contingent- aiawhte an tel a ni.