2084/2026-2027

Siaha the 7th September, 2026: Special Intensive Revision (SIR) 2026 hmanga buatsaih Final Electoral Roll chu vawiin khan District Election Officer, Pu VL Hruaizela Khiangte chuan DC Mini Conference Hall, Siaha-ah a tlangzarh. He hunah hian DEO chuan Political Party hrang hrang aiawhte hnenah Final Roll copy khat theuh a hlan.

Final Roll tlangzarh takin a tarlan danin, Siaha District chhunga Assembly Constituency pahniha Vote nei zawng zawng chu mi 45,175 an ni.

DEO Pu VL Hruaizela Khiangte chuan kalkhawmte chungah lawmthu a sawi a. Roll felfai tak tlangzarh a nih theih nana theihtawp chhuah thintu Election Officer, ERO, AERO, BLO te, khawtlang hruaitute leh NGO hruaitute chungah lawmthu a sawi bawk.

Roll chu hnam hnuk khawih thil leh India khua leh tui nihna entirtu a ni tih sawiin, tuna Final Roll tarchhuah tak chu felfai leh thianghlim thei ang bera buatsaih a ni a, a felfai chhunzawm zel theih nan India khua leh tui ni lo te Roll-a luh tum laka fimkhur chhunzawm zel tur leh thlawp chhunzawm zel turin Political Party leh NGO aiawhte a ngen a ni. Draft Roll nena khaikhin chuan vote punna chu 1,374 niin chu chu 3.14% a ni a, ECI-in roll hrisel tehfung atana a bithliah huang chhunga a awm chu lawmawm a tih thu a sawi bawk. 

Vawiina tlangzarh tak Final Roll-a Siaha District chhunga Assembly Constituency pahniha vote awm dan chu hetiang hi a ni:

1) 39-Saiha (ST) AC

Male Voters : 11,378

Female Voters : 12,638

Total Voters : 24,016

2) 40-Palak (ST) AC

Male Voters : 10,503

Female Voters : 10,656

Total Voters : 21,159

District pum huap Total : 45,175

Final Roll tlangzarhna hunah hian Election Officer, Pu Vabeimozachhi Chozah pawhin thusawiin, a hun taka Roll felfai tak tlangzarh a nih theih nana theihtawpa puihbawmtu DEO leh Sawrkar Official te bakah NGO te, Political Party te leh Media te chungah lawmthu a sawi a, thawhhona tha tak avanga tlangzarh thei a ni, a ti.