Vawiin atang hian  kumina MLA inthlan lo awm turah mipui tha taka sawrkar kan thawhpui theihna tura beihpui thlakna peng pakhat atan signature campaign tan a ni.

Hun tawi te, DC Office complex-a hman niin; Pu VL Zuithanga, Coordinator, SVEEP-in a kaihruai a. Pi B. Malsawmtluangi, Election Officer chuan a hming ziak hmasa berin  he SVEEP Campaign hi a hawng ta a ni.

Systematic Voters Education and Electoral Participation (SVEEP) hnuaiah hian vote nei zawng zawngte'n vote an thlak ngei theih nana beihpui thlak te, inthlanna buaipuitute theih tawpa thawhpui leh inthlanna fel fai leh thianghlim kan neih theih nana zirtirna zau zawk pek chhuah te kalpui mek a ni.

Vawiina signature campaign-ah hian office-a thawk leh pawn lam mi thahnem takin thutiam nem ngheh nan an hming an ziak. Thutiam pathum siam a ni a, heng - Kumin 2018 MLA inthlan lo awm turah hian sum thianghlim lo lakah fihlim ka tum ang tih te, Kumin MLA inthlan lo awm turah hian India khua leh tui ka nih angin vote thlak ngei ka tum ang tih leh Kumin MLA inthlan lo awm turah hian ka theihna zawng zawngin sorkar ka thawhpui ang, tih te a ni.