Vawiin chawhma dar 10:00Am khan MADC Forest Hall-ah District Water & Sanitation Committee chuan Swatch Bharat Mission (Gramin) chungchang-ah meeting an nei.

He meeting hi Siaha District Bawrhsap leh Chairperson, Siaha District SBM (Gramin) ni bawk Pi Harleen Kaur IAS chuan a kaihruai a. Er. C. Lallunghnema,MES, Chief Engineer (Hqrs& Water Resources), PHED leh Mission Director, SBM (G) ni bawk chuan khuallian niin he meeting hi a chhim bawk.

Khuallian Pu C. Lallunghnema, Chief Engineer, PHED chuan thu sawiin, ODF (Open Defecation Free) dinhmunah Mizoram hi India ram pumpuia State 33 te zingah 18 kan ni mek a, Hmarchhak State 7 te zingah 5-na dinhmun kan luah mek bawk a ni. kan State Population tlem zia te ngaituah chuan kan dinhmun hi a chhuanawm lo hle a ni. Siaha District hi India ram District te zingah 363 na-ah awm mekin, Mizoram State 8 te zingah 5-na dinhmun a luah mek bawk a ni, a ti. District ODF a puang tur hian tehfung Pathum (3): 1. Performance (50%), 2. Sustainability (25%) leh 3. Transparency (25%) hman a ni a. Siaha District hian Performance-ah 25.65%, Sustainability-ah 0.80% leh Transparency-ah 7.80% hmuhin a vaiin 100-ah 34.21 point hmuin, 5-na dinhmun a luah mek a ni, a ti.

Vawiin meeting-ah hian Er.H.Duhkima, MES, SE, PHED Lunglei Circle leh Vice Chairman, District SBM (G) ni bawk chuan Agenda sawihawnna hun a hman zawhah huangzau taka Agenda chhawpchhuah te sawi hona hun hman nghal a ni.

Vawiin meeting-a Agenda sawiho te chu :

1) Implementation & Progress of SBM (G) within Siaha District.

2) Verification of ODF Habitations within Siaha District for Declaration of District ODF

3) Planning for Sustainability of ODF Status

4) Strategies IEC for Sustainable SBM (G) tih te an ni.

Vawiin District Water & Sanitation Committee zawh-ah hian PHED buatsaihin SBM (G) Trainers’ Training buatsaih nghalin PHED a mithiam ten zirtirna na pe ngal a ni.

Attachment

  • Loading attachment...