1006/2025-2026

Siaha the 1^st July 2025: Tourism Department, Govt of Mizoram buatsaih 'thawnthu insawisiak' inelna (Story telling competition) Siaha District a neih dan tur relin vawiin khan DC Mini-Conference Hall, Siaha-ah Pu Abraham Beirazi Khithie, Addl DC hovin thutkhawmna neih a ni.

Pu Vanlalchhuanliana, SDO (S) chuan inelna neih tur chungchanga hriattur tul leh pawimawh tarlanna a nei a, August Ni 8, 2025 a ‘Narrating Mizoram: Tales of our Land’ tih thupui hmanga State Level Story Telling  Competition neih turah Siaha District aiawha kal tur District level a inelna a nih thu a tarlang.

He inelnaah hian Siaha District chhunga hmun langsar zual pasarih (7) thlanchhuah a ni a, chung te chu:

1)  Pala lake

2) Mawma tlah

3) Castle of Beino

4) Pala Wetland

5) Tokalo Wildlife Sanctuary

6) Siata village

7) Lorraine ville, Saikao, te an ni.

Heng bakah hian District chhunga hmun langsar zual mahni duh zawng chanchin a sawi theih bawk dawn a ni. He inelna in a tum ber chu Mizoram a hmun lar leh tlawh hlawh tak takte chanchin rualkhai zawk leh khualzinte hip thei zawnga buatsaih a nih theih nan a ni.

District Level Competition kalhmang kimchang chu a hnuaia tarlan ang hi a ni ang:

1)      He inelna hi open competition a ni a, mi tupawh tel theih a ni.

2)  Thawnthu insawisiak hi Mizo tawnga sawichhuah tur a ni anga, an    thawnthu sawichhuah tur chu hard copy in English leh Mizo a thehluh tur a ni thung ang.

3)      Mi pakhat in Minute 10-15 theuh an nei ang.

4)     A tel tur te chuan a theih chuan an thuziak bakah an thuziak chhiar laia tihlan tur video clip/PPT tawi an nei tel tur a ni.

5)      A titha zual 3 (Pathum) te hnenah hetiang hian lawmman buatsaih a ni.

• 1^st Prize- Rs 10,000/-
• 2^nd Prize- Rs 8,000/-
• 3^RD Prize- Rs 5,000/-

6)      Tel tur te chuan July Ni 24 (Thursday) 2025 hmain DC Office, Siaha ah write-up thehluh tur a ni anga, inelna hi a tuk July Ni 25 (Friday) 2025 ah DC Mini-Conference, Hall, Siaha-ah neih a ni ang.

He Inelna hi Siaha District chhunga hmun langsar zualte thawnthu chhawpchhuahna hun remchang tak a nih avangin mipuite chu a tam thei ang bera tel turin Addl DC Pu Abraham Beirazi Khithie chuan a sawm a ni. He thutkhawmah hian Addl DC bakah SDO (S) Pu Vanlalchhuanliana, DEO aiawh, Art & Culture Promotion Officer, MADC, Principal, Govt Higher Secondary School, Siaha, leh MTP Gen Hqrts aiawh, MCHP Gen Hqrts President leh Maraland Tourism Development Society, Siaha te an tel a ni.