Vawiin chawhma dar 11:30 Am khan DIPRO's Conference Hall, Council vaih-ah District Information & Public Relations Office buatsaihin "The Mizoram Right to Public Services Act, 2015"  tih thupui hmangin Seminar neih a ni a. He Seminar hi Pu Benjamin F. Nohro, Associate Professor, Govt. Saiha College chuan  kaihruaiin, Pi P.Chaki , President MChP(Gen.Hqrs) chuan khuallian niin seminar hi a hmanpui hlawm  a ni.

MChP(Mara Chano Py) Gen.Hqrs President Pi P. Chaki chuan thu sawiin, hetiang dan tha, mipuite hmakhua ngai vanga kum 2015 a duan tawh hi mi tam takin la belchiang loh mah ila, tun atang chuan zirchian a Sawrkar ina mipuite hnena service a pek that loh laite keimahni ngei a kan lungawilohna te kan thlen ve zel tawh tur hi hmasawnna chi khat niin ka hria a, sawrkar hnathawkte pawhin mahni hna a inthladah tawhlo nan hmang ila, he mipuite hmangaihna Dan tha lutuk hi hmanna chang hre zual sauh sauh ang u tiin,  kalkhawmte chu a chah a. He dan la hre ve lote hnenah pawh hrilh hriat a, puangzartu nih tum theuh ang u, tiin mipui kalkhawm te a sawm hlawm a ni.

Pu JS. Beizawzilai, Advocate chuan Paper present hun a hman zawhah, zawhna leh chhanna hun hawna mipuite atanga zawhna awm ang angte chu amah vek hian a chhang bawk a ni.

Vawiin Seminar-ah hian Siaha district a tlawmngai pawl hrang hrang aiawh te, sawmbik Head of Office te, MSO(Hqrs) hruaitute, Siaha district MJA  te leh Gov't Saiha College zirlai naupang te an tel a ni.

Programme kar lakah zaithiam tak tak te  ngaithlak niin, Pu N. Vabeiratlua, DIPRO, Siaha chuan lawmthu sawiin vawiin Seminar programme hi a titawp a ni.