Vawiin  chawhma dar 11:00AM khan DIC conference Hall-ah NEFP hnuaiah Food & Drugs Administration, Health Dept., Siaha district hmalakna-in  Siaha khawpui chhunga VCP leh Secretary te, MCHP Gen.Hqrs hruaitute hnenah Ei leh in thianghlim chungchangah leh damdawi hmansual chungchangah Training for trainers cum drugs awareness campaign hlawhtling taka neih a ni.

He programme hi Dr. Lalparliani, CMO Siaha district in kaihruaiin,  Pu R. Vanlalruata, Assistant Director (F&D), Siaha & Lawngtlai district in Power Point hmangin ei leh in thianghlim pawimawhnate, mipui ei-in siamtu; a bikin Hotel, Restaurant, Thingpui dawr, Bakery leh  Chow siamtute tan intihfai pawimawhna te leh mipui ei bel an nihna zawn a an thianghlimna tur zirtirna a pe a. Visual Aid vedio clip pawh a tihfiahtu a tan hman a ni.  Vawiin training-ah hian Trainer ten zirtirna an pek mai bakah Trainees te nen urhsun tak leh huangzau tak, inpawh tak  siin  *Ei leh in thianghlimna chungchang te leh damdawi hmansual tih nep dan tur kawng hrang hrangte sawiho a ni* Khawpui chhunga -Hotel, Restaurant, Tea stall etc zingah criteria siamin inelna neih ni se, lawmman pawh siam ni se tih te rel nghal a ni a.   Sawrkar, VC leh tlawmngai pawl te Joint inspection neih dan turte sawiho a ni  bawk.  VC tin ten an huam chhunga Hotel, Tea stall leh Restaurant  awm te F&D , Health Dept  hnenah  a ranglamin an report  ang a, N&D lamin thianghlimna chungchangah training an lo pe ang, tih te sawiho a ni a. Thianghlimna chungchangah mipui te hriattur pawimawh leh zirtirna pawimawh tarlanna *Signage*  Hotel, Restaurant leh Thingpui dawr hmun langsar laia tar  tur pawh F&D Health Dept in a pe chhuak bawk ang.

Heng bakah hian Kawngsir leh Bazar Shed nilenga Sa zuar ten , tho leh vaivut laka  thianghlim taka an Sa te an zawrh theih nan  *Sa Bawm *(Meat Showcase)* pek vek tur an nih tur thu Pu.R.Vanlalruata, Asst.Director(F&D) chuan a sawi bawk.

  Vawiin  Training cum Awareness campaign  hi Dr. Lalnunziri, SMO in lawmthu sawina in a khar ta a ni.