Vawiin chawhma khan Champhai DC Office Strong room-a M2 BEL Electronic Voting Machine (EVM) kawllai Bihar State-a hman tura tihte lakchhuahna, hawnna leh endikna hun Pu Lalremruata Kullai, Election Officer, Champhai District hova neih a ni a. EVM thawnchhuah tur Ballot Unit 196 leh Control Unit 194-te Bar Code chu Scan vek niin, a tul hun veleha thawnchhuah mai theih tura peihsa vek a ni.  

Heng EVM te hi Bharat Electronics Limited (BEL) siam niin, Kum 2013 MLA Election a hman a ni a. Kan hmalawk Mizoram MLA inthlanpui huna hman tur erawh chu Electronics Corporation of India Limited (ECIL) siam a thar hlak a ni ve thung dawn a, tunah hian Champhai DC Office Complex-a Warehouse-ah dah that vek a ni a. ECIL EVM endikna hmasa ber First Level Checking chu tun thla tawp August Ni 29-31, 2018 chhung hian ECIL Engineer, Champhai District Election Official leh Political party aiawhte’n an nei dawn a ni.

Vawiin EVM endikna hunah hian DC Office Election Branch Staff, Security Personel leh Political party aiawhte an tel a ni.