1003/2023-2024

SIaha; the 30th June,2023: MIZORAM hmundang te rualin Siaha-ah pawh India Sawrkar leh Mizoram sawrkarin a INREMNA THUTHLUNG AN ZIAH  NI champha phak vawi 37-na lawmna programme chu Gov't Saiha College's Seminar Hall-ah neih a ni a.Pu M.Laikaw CEM,MADC chuan khuallian niin a hmanpui.

Pu Lalhmunsanga Hnamte, Bawrhsap chuan mipui kalkhawm te chawnglawmna thu a sawi zawhah, Rev.T.Salaw,Sr.Executive Secretary,ECM  chuan hunserh a hmang a,ECM Assembly Choir ten Ro min relsak ang che hla chu programme hawnna  atan an sa a ni.

Vawiin programme-ah Pu KT.Rokhaw,MLA,40-Palak(ST)AC bialtu, Pu HC.Lalmalsawma Zasai MDC leh Pu Pakhaw Chozah,President MTP(H) ten thu  sawina hun an hmang bawk.

Prof.Chawngkhuma Chawngthu chuan MAIZORAM INREMNA LEH A RAHTE  tih thupuia hmangin Paper present a nei bawk a ni.

REMNA NI lawmna pual hian CMO leh DMS office tangkawp ten FREE HEALTH CAMP Meisavaih-ah an buatsaih a.

Dam lo en 336 enin, NCD(Non  communication Diseases)  tan mi 155 Screen an ni a. Lab-ah  mi 77 en an ni bawk a,

Doctors 6 leh staff dang 18 in Camp hi an vil a ni.  District Sports Commitee, Siaha Police leh AVBD ten   Remna Ni lawmna pualin Thisen an pe a. DSC bultumin Kawngzawh PEACE WALK huaihawt a ni bawk.

Remna Ni lawmna pual hian Essay leh Quizz a inelna pawh zirlai naupang te tan buatsaih a ni. MADC Forest Dept. ten Thingtiak phun  hnatlang neiin, UD &PA huaihawtin  Siaha Town chhunga veng hrang hrangah Faina hnatlang   pawh Ramna Ni lawmna pualin thawh a ni bawk.

Zaithiam Jessica B.Khuhly leh John Litas ten  thusawi karlakah mipui an awi reng a ni.

REMNA NI pual hian Higher Secondary  School Zirlai naupang te tan Essay leh  High School Naupang te tan Quizz Competition  buatsaih a ni a, Theme atan Political History of Mizoram 1947-1987 an hmang. Essay leh Quizz Competition-ah hian lawmman tan 1st Prize in Rs 30,000 + Citation a keng a, 2nd prize in Rs.20000+ citation leh 3rd Prize in Rs 10000 + citation a keng bawk.

 Essay inziahsiakna a

1st----Prize Winner Lalkhawngaihsanga, Class -XII,ARDEE Diamond HSS

2nd ----  T.ELKANA,,Class-XII,GHSS

3rd Prize--S.LYRILI, class-XII,FOXALL HSS

Quizz intihsiakna a

1st---- Joseph Rohlupuia & HC Jenesia, New Colony HS

2nd---K.Beirakhithie & N Kypacharili,Springfield English School

3rd---Norma Jawhly & Ngohlu Chozah, Maraland English Academy 

te an ni.

B.Malsawmtluangi SDO(S) chuan vote of thanks sawiin, REMNA NI lawmna programme chu a khar ta a ni.

REMNA NI lawmna programme Seminar Hall-a neih zawh hnu hian Khuallian leh prominent citizen ten College Compound-ah thingtiak an phun nghal bawk.

Khuallian Pu M.Laikaw chuan sawmbik te tan REMNA NI  chawhlui a buatsaih bawk.