No.4198/2021-2022

Aizawl, the 8th March,2022: Vawiin chawhma dar 11:00Am khan DRDA Conference Hall-ah Planning & Programme Implementation Department, Govt. of Mizoram bultumin Workshop on Implementation, Monitoring and Localization of Sustainable Development Goals (SDGs) buatsaih a ni a.Workshop hi DC leh DPC chairman charge la mektu Pu Abrahma Beirazi Khithie,Addl.DC in hawngin, hawnna inkhawm tawi a kaihruai  nghal a ni.

Pu Abraham chuan workshop hawnna thu sawiin, sustainable Development Goals chu hmasawnna  rahbi kan tukna kawnga min kaihruaitu  pawimawh tak a ni a, hmasawnna tura hma kan lakna hian nghawng tha lo a thlen thei em? kan hmasawnna kawng zawh hi hmasawnna tluantling leh ngelnghet, chhawmnun zel theih tur a ni em? ti te hi vawiin workshop-ah kan mithiam planning dept atanga lo kal ten min zirtir dawn a ni. Chuvangin SDGs lama mawhphurtu VC,NGO leh a kaihhnawih dept hrang hrang atanga vawiina Workshop lo chhimtu te chuan  kan district hmasawnna tura SDG chunchanga kan tih tir theuh tha taka kan tih theih nan vawiin Workshop-ah hian thiamna leh finna pawhchhuak theuh turin duhsakna ka hlan che u, a ti.

Sustainable Development Goals hi UNO in kum 2015 a din a ni a, kum 2030 thlenga kalpui tura ruahhman a ni.Kan chenna   

khawvel hi hi tun aia tha zawk leh a tlo zawkna tur ruahhmanna siam hi a tumpui ber a ni. Khawvel pumah hma lak niin thiltum pawimawh tak tak 17 a nei a, chungte chuan target nei leh vekin, a vaiin target 169 lai a  awm a ni.  SDG hi sawrkar-in amah maia a tih hlawhtlin theih a ni lova, kan za vaia kan tanrualna  atanga hlawhtling thei chauh tur  a ni.

Planning & Programme Implementation Dept official atanga lo kal mithiam Pi Biakthansangi, Deputy Adviser leh Pi Lalkhumtiri,Research Officer ten  District Indicator Framework(DIF) leh SDGs Implementation at Block & Village Level tih thupuia hmangin, Power point presentation hmangin zirtirna an nei a, hemi zawhah hian huangzau taka sawihona hun leh zawhna leh chhanna hun te hman zui nghal a ni.

Vawiin Workshop-ah hian Line Dept-a Head of office te, NGO hruaitute,VC leh Joint VC member te an telkim hle a ni.

Pi R.Laldawngliani, DRO leh Member Secretary,DPC ni bawk chuan lawmthu sawina in vawiin programme hi a khar ta a ni.