No.4198/2021-2022

Aizawl the 8th, March' 2022: Vawiin chawhma khan Deputy Commissioner Office, Lunglei leh Planning Department, Aizawl tangkawp buatsaihin Convention Centre, Lungleiah hmasawnna tluantling, tha leh tlo kalpui leh vil dan ‘Workshop on Implementation, Monitoring & Localization of Sustainable Development Goals for Lunglei District’ zirhona neih a ni. Lunglei Bawrhsap Pu Kulothungan A, IAS chuan workshop hi a hawng. He hunah hian Head of Offices, Village Council leh NGO's hrang hrang aiawh te an tel a ni.

Workshop hi Pu Lalsanglura, SDC, Lungleiin kaihruaiin Pu Kulothungan A chuan Sustainable Development Goals 17 awmin heng in a tum bulpui ber chu kum 2030 hma a retheihna umbo a, hmasawnna tluantling, tha leh tlo kalpui a ni a ti. SDGs kalpui na tehfung hrang hrangah Mizoram chu State titha pawl niin Mizoram chhung ah pawh Lunglei chu titha pawl kan ni hi lawmawm a tih thu sawiin SDGs hi zau zawk leh huapzo zawk a kalpui a nih theihna turin Head of Offices, VC leh NGO's te hmalakpui ah a sawm a ni.

Vawiin workshop ah hian Pi Lalnunsiami, Senior Research Officer leh Pu H. Lalengzauva, Research Officer, Planning Department ten Sustainable Development Goals hrang hrang 17 retheihna umbo, chhuanchham awmlohna, hriselna leh nunkhaw nawmna, zirna tha leh rintlak, mipa leh hmeichhia intluktlanna, tui thianghlim leh faina, leilung hausakna tichereu lo zawnga kawlphetha siam leh hman, eizawnna ngelnghet leh ram hmasawnna, thil siamchhuahna atana thil thar tha zawk leh hmasawnna ruhrel tha ruahman, intluklohna kar tihzim, khawpui ngelnget leh mipui himna, neitu nihna rilru nena thil dehral leh siam, sik leh sa danglam chak lutuk tur venna atana hmalak, tui hnuaia nungcha te humhalh, leilung leh a chhunga cheng te enkawl, remna leh muanna,dikna tungding tura dan leh inkaihhruaina tha ruahman leh kan tum ram thleng tura thawhhona tha neih te bakah SDGs ti hlawhtling tura tehfung hrang hrang, District leh Village level a kalpui turin ruahmanna siam, Village Council leh NGOs te mawhphurna leh pawimawhna te zirtirna an pe a ni.