No.4199/2021-2022
Aizawl the 8th, March' 2022: Mizoram State Sorkar Notification No.B.12021/10/04-TRP Dt.22.8.2008 leh Section 117 of MV Act 1988 in thuneihna a pek angin leh Deputy Commissioner & Chairman; District Disaster Management Authority, Aizawl District thu chhuak angin a hnuai ami ang hian Sr. S.P Traffic Aizawl chuan thupek a chhuah.

Chaltlang Lily Veng (Bawngkawn-Sairang road) R.C Tyre Works atanga Tipper Stand inkar ah lung tohlawt sang tak tak, tla mai thei a awm avangin helai hmuna cheng leh lirtheite a lo him zawk nan R.C Tyre Works atanga Tipper Stand inkar ah lirthei engmah dah phal a ni lo.

He thupek zawmlo chu MV Act, section 177 hmanga hrem an ni ang.