No.4200/2021-2022 

Aizawl, the 8th March, 2022: Vawiin khan Pu C.C. Lalchhuangkima, Deputy Commissioner, Khawzawl District chuan Tlangpui VLTF hnenah Covid-19 vanga chhungkaw harsa zualte chhawmdawlna tur leh Covid-19 hrileng dona hmanrua engemawzat a hlan.

Tunhnaia Covid-19 hrileng pun nasatna khua Tlangpui VLTF te hnenah hian District Bawrhsap chuan  buhfai kg 240, tel packet 10 leh nutrela kg 5 a hlan a. Hei hi Covid-19 vanga chhuanchham mai thei dinhmuna ding chhungkaw 10 te hnenah VLTF ten an lo sem dawn a ni. Chhungkaw harsa zualte chhawmdawlna tur bakah hian DC chuan Tlangpui VLTF te hnenah Covid-19 hrileng dona atan Digital Thermometre 2, Pulse Oxymetre 2, Digital BP Monitor 1, Nebulizer 1, PPE set 5, Hand Sanitizer litre 5, surgical facemask 100, surgical glove box 1 leh Steamer 1  a hlan bawk.

Nimin tlai dar 5:00 thleng khan Tlangpuiah hian Covid-19 positive mi 49 an awm a ni.