2898/2022-2023
Siaha; the 1st December,2022: Vawiinah khan District AIDS Prevention & Control Committee huaihawtin, Don Bosco Higher Secondary School,Hall -ah WORLD AIDS DAY-2022 puala programme hman a ni.

Vawiin World AIDS Day-2022 pual hian inkhawm tawi hun hman a ni a. Programme hi Pi Lalnunmawii,Addl.DC in a kaihruai a, CMO's office atangin Power Point Presentation hmangin AIDS chungchangah zirtirna an nei a. Pu Lalsangliana, DC leh Chairman, District AIDS Prevention & Control Committee ni bawk leh Pu VL.Lura Hauzel,SP Siaha ten thusawina hun an hmang zawhah, Dr.Lalnunziri,CMO chuan lawmthu sawinain vawiin programme hi a khar ta a ni.

Inkhawm tawi hun hman zawhah hian World AIDS Day-2022 pualin Higher Secondary School,High School leh Middle School zirlai naupang te tan On the Spot Paiting competition buatsaih a ni a. School tin atangin, an school aiawh tur zirlai naupang 2 theuh thlanchhuah an ni a. Chung zirlai naupang te chuan On the Spot Painting competition-ah hian inelna an nei ta a ni. Painting nan hian Higher Secondary School naupang ten Wax Crayon an hmang a, High School leh Middle School Naupang ten Pencil Colour an hmang ve thung a ni.

Higher Secondary School naupang te hian Condom use vs Contraceptive Pills for HIV Prevention tih thupui hmangin an inel a.High School naupang ten Harmful effect of sharing Needles and Syringes tih thupui leh Middle School Naupang ten How to Say 'No to Drugs' tih thupuia hmangin an inel  ve thung a ni. Category tina 1st,2nd leh 3rd Prize dawngtu te hian Rs.1000,Rs.700 leh Rs.500 theuh an dawng a ni.