No.2450/2021-2022

Aizawl; the 2nd October,2021: Tukin zing dar 7:45AM khan Siaha Bazar traffic point-ah Faina Hapta-2021 hawnna inkhawm neih a ni a.He inkhawm hi Pu Abraham Beirazi Khithie, Addl. DC in kaihhruaiin,Rev. Pheitha Lava, Executive Secretary i/c Mission, ECM in hunserh a hmang.

Pu B. Luaha, Vice Chairman, Planning Board, MADC chuan khuallian niin Faina Hapta-2021 hi a hawng a, Azadi Ka Amrit Mahotsav Week-2021 chhunga hnathawk tha,Best performing Sanitation worker(Female) Pi K.Sichia leh Best Performing Sanitation worker (male) Pu C.Khaisa hnenah chawimawina thuziak leh Rs.3000/- ve ve a hlan nghal bawk.

Pi Lalnunmawii,SDO(S) &DPO(NULM) in faina kawnga Siaha district hmalak tawhna leh hmachhawp te report a pek zawhah, Faina Thutiam (Swachhta Pledge) chu mipui kalkhawm te an laktir.

Tukin Faina Hapta hawnna inkhawm hi Covid-19 SOP tha taka zawm chunga hman a ni a.Pu T. Lalrosanga, Chairman, Joint VC, Siaha in Lawmthu sawina in function hi a khar ta a ni.