1442/2026-2027

Siaha, 17th July 2026 : Siaha Bialtu MLA Dr K. Beichhua chuan natna chungchang reng reng kan hriat (aware) chuan, natna laka filhlima pumpelhna chance a sang a, inven a awlsam a ni a ti.

He thu hi TB Mukh Abhiyan Campaign, Government Siaha College Seminar hall a neihah khuallian nia a hmanpui naah a sawi a, Dr K Beichhua chuan TB chungchanga inzirtirna College a neih chu lawmawm a ti a, natna engpawh a chinchang kan hriat tam chuan fihlimna chance a tam a,inven a awlsam a ni tiin a sawi.

TB chuan khawvel a tibuai em em a, India ram pawh a ban bik loh thu leh Sawrkar laipui chuan TB umbo turin tan a la nasa a, TB enkawl nana damdawi siamchhuah kawngah pawh India chu a thawhhlawk hle a ni a ti bawk. Vawiina kalkhawmte chu TB chungchang a tam thei ang bera thehdarha midang hrilhhretu ni tur in a chah nghal bawk.

Vawiina hun hman hi District TB Officer Dr Lalchhuanliana kaihhruaina hnuaia neih niin, State TB Officer Dr Zochhuanawmi chuan TB leh HIV chungchanga sawrkar hmalakna te tarlanna a nei a, My Bharat Volunteer Campaign chungchanga mipuite hriattur pawimawhte hrilhhriatna a nei nghal bawk.

Hun hmannaah hian National TB Elimination Programme a Senior Treatment Supervisor Pu C.H Beikhochhi kaihruaina hnuaia TB umbo kawnga hmala tura intiamna thu sawirual a ni nghal bawk.