2465/2026-2027
Siaha the 1st October 2026: District Bawrhsap Pi Saizikpuii chuan Ministry of Social Justice & Empowerment hnuaia Dr Ambedkar Foundation kaltlanga SC leh ST damlo khawsak harsa zual, natna khirh tak tuarte tana inenkawlna/ Zai man tanpuina pek theihna Dr Ambedkar Medical Aid Scheme (Revised 2026) chungchanga District mipuite hriattur thuchhuah a hnuai tarlan ang hian a siam.
HRIATTIRNA
Sawrkar Laipui, Ministry of Social Justice & Empowerment hnuaia Dr. Ambedkar Foundation (DAF) chuan natna khirh tak tuar leh zai ngaite tana inenkawlna tana sum leh pai tanpuina Dr. Ambedkar Medical Aid Scheme (Revised 2026) a kalpui thar leh ta a. He scheme hi Scheduled Tribe (ST) leh Scheduled Caste (SC) mi leh sa, khawsak harsa zualte, Chhungkaw kum khat lak luh (Annual Income) rs 5,00,000/ - aia tam lo tan chhawr tangkai theih tura chhawp chhuah a ni a, Sorkar empanelled hospital kaltlanga pek tur ani.
He scheme-ah hian natna khirhkhan hrang hrang enkawlna leh zai man atan a hnuaia tarlan ang hian tanpuina dil theih chin siam a ni:
1. Kidney surgery/ Dialysis/ Organ Transplant : Rs 3,50,000/- thleng
2. Cancer/Surgery/ Chemotherapy/ Radiotherapy : Rs 2,50,000/- thleng
3. Brain surgery : Rs 2,00,000/- thleng
4. Heart Surgery : Rs 1,50,000/- thleng
5. Spinal surgery: Rs 1,50,000/- thleng
6. Natna khirh dang (other major life threatening diseases) : Rs 2,00,000/- thleng
Hriat tur pawimawhte:
* Dilna form hi website https:// www.dosje.gov.in/schemes-and-services/dr-ambedkar-medical-aid-scheme atanga download theih a ni.
* Dilna (Application) hi zai/inkawl tan ni 15 la awm (15 days prior) ngeiin local authority / treating hospital kaltlangin thehluh hman tur a ni.
* Dilna form leh document kimchang tak hi, a hnuaia Address ah hian By Post hmanga thawn tur a ni.
Director, Dr. Ambedkar Foundation,
15 Janpath, New Delhi-110001
(Tanpuina sum hi damlo hnenah pek tur a ni lova, damlo enkawlna hmun
Damdawiin (Hospital Account)-ah direct-a thawn luh a ni ang.
Document pawimawh te:
* Tribal / Caste Certificate: Dilna thehluttu (damlo) chu Scheduled Tribe (ST) emaw Scheduled Caste (SC) a ni ngei a ni tih hriatpuina Certificate DC Office atanga pekchhuah. (Photo copy attested)
* Aadhaar Card: Damlo Aadhaar Card fiah tak - (Photo copy attested)
* Income Certificate: Chhungkaw kum khat lak luh (Annual Income) . 5,00,000/-aia tam lo a ni tih hriatpuina, Revenue Authority (DC/Magistrate/SDO) atanga lak thar ngei. (original)
* Ration Card: Ration Card copy fiah fai tha tak (photo copy attested)
Damdawiin (Hospital) a tihtur:
* Medical Estimate Certificate: Enkawltu damdawiin (Recognized/Empanelled Hospital) chhuah, zai man / enkawlna senso zat tur ang anga chhut lawkna (Estimate), Medical Superintendent / Head of the Department-in a hming a ziah hnan ngei tur a ni. (Dilna form ah a tel sa).
* Identity Certificate of Hospital: Damdawiin khan Medical Aid Scheme hnuaiah hriatpui (recognized/empanelled) a ni tih fiahna.
* Hospital Bank Details: Damdawiin bank account (passbook photocopy / cancelled cheque) leh IFSC Code chiang taka inziak. (Tanpuina pawisa hi damdawiin account-ah direct-a thawn tur a nih avangin).
