2466/2026-2027  

Saitual, the 1st October, 2026: Vawiin chawhnu khan Saitual District Border Coordination Committee (SDBCC) chu an chairperson, District Bawrhsap ni bawk, Pu Srinivas Sadi kaihhruaiin DC Conference Room-ah an thukhawm a, IMB ramri hung (fencing) leh line marking chungchang a hna kalpui mek an thlirho.

Vawiin thutkhawmah hian Hrianghmuna border checkpost chungchang sawi a ni a, checkpost tih changtlunna atan District lam atanga mawhphurhna hrang hrang tih fel tawh niin, Assam Rifles atanga District Collector account-a sum lo lut tur nghah mek a ni a. Checkpost  atanga khaw hnai ber 21.2 km a thui approach road siam tur chu fur ruahsurin a tihbuai avangin peih fel a la ni lo a, Committee chuan October ni 20, 2026 ral hmaa tifel turin Assam Rifles-te hriattir ni se tih rel a ni.

Border Fencing (10km) hna atana ram teh leh chhinchhiah hna BRO ten an thawh mek chu khua a that loh avangin chak zawka hma an lak theihloh thu sawi a ni.

Vawiin thukhawmah hian Pu Srinivas Sadi, Chairperson & DC, Pu Tharun Patnaik Madala, SDO (S), Pi Mary L. Rodinpuii, AC (Revenue), Pu J. Lalawmpuia, SDC, Dy. Commander Veerpal Singh QM 34 AR, Pu Vivek Kumar Maurya (SP), Vikas Gupta Dy. SP (HQ) Saitual te bakah BRO aiawhte an tel a ni.