2464/2026-2027

Siaha the 1st October, 2026: Faina beihpui thlakna Swachhata Hi Seva (SHS) 2026 kharna leh Mizoram Cleanliness Competition 2026 khuhhawnna hun chu vawiin khan DC Conference Hall, Siaha-ah District Bawrhsap Pi Saizikpuii kaihhruaina hnuaiah hman a ni.

District Bawrhsap Pi Saizikpuii chuan thu sawiin, Swachhata Hi Seva 2026 chu khar ni tawh mah se faina kawnga hmalakna chu chhunzawm zel tur a ni, a ti a. Mizoram Cleanliness Competition-in a chhunzawm dawn thu sawiin, kuminah pawh Siaha District-in fai ber lawmman lak leh ngei tum turin thawktute a chah.

Naupan tet atanga faina chungchang inzirtir that chuan nunah a bet tlat thei a, fai tura zirtirna kawngah theihtawp chhuah a tul a ti. Khawpui fai leh thianghlim ni tur chuan thawhhona tha neih a ngai a, sawrkar department mai bakah Kohhran, khawtlang hruaitute leh NGO hrang hrangte thawhhona tha a ngaih thu a sawi bawk.

He hunah hian District Programme Officer (DPO) Pu Vanlalchhuanliana chuan SHS 2026 kalpui chhunga an hmalakna hrang hrang report a pe a. Pu Henry PL Hnaihly, LAO (MADC) chuan Solid Waste Management Rules, 2026 chungchang leh a Department hmalakna hrang hrang tarlanna a nei bawk.

SHS 2026 kalpui chhunga thawk tha chawimawina hun hman nghal niin, Pi Judy chu Best Sanitation Worker atana thlan a ni a, lawmpuina thuziak leh pawisa fai hlan a ni.