No.6099/2020-2021

Siaha; the 14th October,2020: Tukin zing dar 9:00Am Pu Kesavan R, IAS, Deputy Commissioner, Siaha district chuan Tipa BDO Office leh a hnathawkte dinhmun enchianna neihin, an harsatnate leh an mamawh hrang hrang a hnena an lo thlen te a tul anga hma alakpui tur thu a sawi.

Tipa atang hian VDVK Level Advocacy programme on Pradhan Mantri Vandhan Yojana scheme tlangzarh turin
Zyhno, Khopai leh Laki khua te a tlawh. PMVDY hi TRIFED(Ministry of Tribal Affairs, Gov't of India) sponsor a ni a, vawiin programme hi DRDA Siaha huaihawt a ni.

VDVK Level Advocacy programme on PMVDY a tlangzarhna-ah thu sawiin, Pu Kesavan R, IAS chuan Van hi ramngaw tihna a ni a, Dhan chu hausakna a ni. Chumi awmzia Vandhan chu Ramngaw hausakna tihna a lo ni ta a ni. Chu ramngaw hausakna chu nangni kuthnathawktute kaltlang hian kan haichhuak dawn a ni. Chumi atan chuan sawrkar laipui atangin tanpuina pawh nasa takin kan dawng dawn a, a tul dan azirin leh kan tharchhuah a zirin a hmanrua turte pawh kan dil zel dawn a ni. Sawrkar pawh kan hnathawh that dan a zirin a inhawng reng dawn a ni, a ti. Khuallian chuan kuthnathawktute chu inthurual tak leh awmze neih taka hma in lak pawh a ngai dawn a, pawl te pawh lo din ula, man manzawka zawrh chhuahna kawngah pawh hma kan la ho zel dawn a ni, tiin kalkhawmte chu a chah hlawm a ni. Khawtinah DC hian kuthnathawktute kawmna hun hlimawm tak a hmang zel bawk a ni.

He PMVDY scheme hnuaiah hian Zyhno, Ahmypi, Khopai leh Laki khuaa kuthnathawktu ten an thlai chin Hmunphia, Aieng, Sawhthing, Hmarcha leh Ancheri te chu hlawk zawka tharchhuak turin an kalpui mek a, concern dept. lam pawhin training te pein, an vil mek a ni.

DC hian Zyhno khuaa Chilli processing cum packaging Unit pawh a hmunah a tlawh nghal a ni.

Vawiin programme-ah hian DC hi Pu. Lalchhawntluanga, PD, DRDA leh Secretary Vandhan Mission, Siaha ni bawk te, Pu Vabeimozachhi Chozah, BDO, Siaha, Pu Lalhmingliana, BDO, Tipa, Pi C. Galilee, APO, MNREGS & Supervisor, Vandhan Mission, Siaha, Pu Larry Lalbiaktluanga, Account Officer, DRDA, Siaha bakah Pu C. Lalremruata, Work Manager, MNREGS, DRDA, Siaha ten an tawiawm a ni.