Vawiin chawhnu dar 2:00 PM khan Disaster Management & Rehabilitation Department, Aizawl leh District Disaster Management Authority, Siaha District te tangkawpin Deputy Commissioner Office, Siaha-ah Mock Drill neih a ni. He Mock Drill hmang hian chhiatrupna lo thlen thulha DC Office-a Office Disaster Management Plan awm chu a hmantlak em tih te, DM Plan tihphuisui leh hmasawn ngaihna te leh hmathar lak dan turte zir ho a ni dawn a ni.

DM&R Department, Aizawl atang hian Pu Rothuama, Joint Director, DM&R leh a ho te mi 9 lo kalin, Mock Drill mai bakah , Siaha khawpui chhunga Sawrkar Building thlan chhuah 16 te-ah Rapid Visual Screening( RVS) Survey neiin, heng building te hi lirnghing leh khuarel chhiatrupna dang thleng thei laka an him tawk leh tawk loh an enfiah dawn a. Siaha Khawpui chhunga lei tlahniam (Sinking Area) te pawh an tlawh bawk dawn a ni.

DM&R Department, Aizawl Official te hian District Emergency Operation Centre, Siaha District in a hmanrua neihdan te enfiahin, a hmandan tur te inhrilhriat nghal a ni. Heng hmanrua te hi a tul dan a zira hawhchhuah theih a nih thu te pawh tarlan a ni bawk.