2768/2025-2026

Siaha, 23 December 2025 : Vawiin khan Good Governance (Sorkar Inrelbawlna Tha) hmalakna kal zelah, Siaha DC Office Complex-ah 'Good Governance Workshop'  buatsaih a ni a. Pu Abraham Beirazi Khithie, Addl. Deputy Commissioner, Siaha chuan  khuallian niin a hmanpui.

Pu Abraham Beirazi Khithie, Addl. Deputy Commissioner, chuan  sawrkar inrelbawlnaah lang tlang (transparency), mawhphurhna lak (accountability) leh mipuite tana awlsamna tura hmalak (responsiveness) a pawimawh hle a ti a. A bik takin sawrkar hnathawkte chu mipuite tana nelawm leh dawr nuam (people-friendly approach) ni turin a chah a. Sawrkar inrelbawlna tha awm turin NGO leh mipuite pawhin mawhphurhna an nei lian hle tih tarlangin, sawrkar khalhngiltu tha tak ni turin a fuih a. Ram leh hnam hmasawnna tur leh sawrkar tha nei turin Sawrkar hnathawk, NGO,Kohhran leh vantlang mipuite inkarah thawhhona tha tak a awm a tul tih sawiin, hemi kawnga theihtawp chhuah a thawkho turin a sawm a ni. 

Adll. DC chuan 'workshop'  in  sawrkar  leh mipuite inkarah inbiakpawhna leh thawhhona  tha tak a thlen a beisei tih a sawi a. Siaha District Administration - pawhin inrelbawlna chak, langtlang leh huapzo tak (inclusive governance) kalpui a tum tih tarlangin kalkhawmte te Siaha mipuite thawhpuiah a sawm nghal bawk.

Vawiin Worshop- chhunga sawifiahteah hian mipuite tana sawrkar inrelbawlna chak zawk siam tur a tul leh pawimawh te, sawrkar atanga service hrang hrang pek chhuah dante zirho a ni a . Kalkhawmte hnenah hian sawrkar atanga service awm sa te, harsatna thlen leh chinfel dan (grievance redressal mechanisms) te, leh sawrkar atanga hamthatna dawn turah  hun tiam chhunga dawn theih dan tur te inhrilhhriat a ni a. Workshop - neih chhung hian a hmunah mipuite mamawhte tihsak nghal a ni bawk.

Good Governance Workshop - hmannaah hian sawrkar Official leh Siaha mipuite an tel tha hle a ni.