4263/2023-2024

Dated Siaha 20th March 2024 : Nimin khan Siaha District chhunga National Highway-54 paltlang khua- Kawlchaw to Tuipang inkar kawngpui laih hnathawh kal meka zangnadawmna dawng tawh, an chenna in ṭhiat duh lo chhungkaw paruk te chu Siaha District Bawrhsap Pu V.L. Hruaizela Khiangte, thupekin Sub-Divisional Magistrate, Pi R.Lalnunkimi leh Executive Magistrate, Pu J.Lalhmahruaia te kaihhruaina hnuaiah nimin ni 19, March, 2024- khan chhungkaw paruk te chenna In chu khawl hmanga ṭhiah sak an ni.

Siaha District- a National Highway - 54 in a paltlang khua pahnih, Theiri leh Tuipang a chhungkaw paruk te chuan zangnadawmna an dawn vek tawh hnuah pawh an chenna In an ṭhiah mai duh loh avangin, hun enge chen chu kawngpui laih hna kal lai mek an ti khaihlak nasa hle a. Thuneitu ten dan ang a an chenna In ṭhiat tura 'eviction notice' vawi nga lai an pek tawh hnuah pawh hmalakna engmah an neih loh avaning, nimin ni 19, March, 2024 khan Siaha District Bawrhsap thupek angin heng chhungkaw paruk te chenna in hi ṭhiahsak a ni.